Илохий китобларга иймон келтириш

Илохий китобларга иймон келтириш Ислом акидаси арконларидан биридир. Ушбу акидасиз хам иймонли булиш мумкин эмас. Илохий китобларга иймон келтиришнинг маъноси уша китобларнинг Аллохнинг каломидан иборат эканига ишонмокдир.

Бунга Куръони Каримда ва Пайгамбаримиз соллаллоху алайхи васалламнинг хадисларида далиллар куп.

Аллох таоло «Бакара» сурасида: «Пайгамбар унга уз Роббисидан туширилган нарсага иймон келтирди, муминлар хам. Барча, Аллохга ва унинг фаришталарига, китобларига, пайгамбарларига иймон келтирди», деган(Бакара: 285).

Биз Аллох таоло Уз пайгамбарларига, китоблар туширганига умумий иймон келтирамиз. У китобларнинг хакикий сони ва исмларини Аллохнинг Узи билади. Шу билан бирга, Аллох таоло Куръони Каримда баъзи илохий китобларнинг номини айтган.

I. Иброхим алайхиссаломнинг сахифалари.

Иброхим алайхиссаломга туширилган вахийлар туплами «Сахифалар» дейилган, уламоларимизнинг айтишларича, улар маълум вараклар булиб, китоб даражасига етмаган.

Аллох таоло «Аълаа» сурасида хабар бериб:

«Албатта, бу аввалги сахифаларда бордир. Иброхим ва Мусо сахифаларидадир», деган (18-19-оятлар).

Абу Зарр розияллоху анхудан ривоят килинган узун хадисда жумладан шундай дейилади:

«…Эй, Аллохнинг Расули, Сизга Аллох Иброхим ва Мусо сахифаларидаги нарсадан хам бирор нарса туширдими?»–деб сурадим. Расулуллох соллаллоху алайхи васаллам:

«Эй Абу Зарр «…Инна хаза лафис сухуфил уула, сухуфи Иброхима ва Муса»ни уки»,–дедилар.

«Эй Аллохнинг Расули, Иброхимнинг сахифаларида нима булган?»–дедим.

«Барчаси зарбулмасал булган… Окил киши замонини таниган булмоги, тилини тиймоглиги шарт. Кимки каломини амалидан хисобласа, каломи оз булади»,–дедилар.

«Эй Аллохнинг Расули, Мусонинг сахифаларида нималар булган?»–деб сурадим.

«Хаммаси ибрат булган, казои кадарга ишониб туриб газабланган одамдан, охиратда хисоб-китоб булишини билиб туриб, амал килмаган одамдан ажабланаман»,–дедилар».

Мумин-мусулмон одам Аллох таоло Иброхим алайхиссаломга сахифалар нозил килганига жазм ила иймон келтириши лозим.

II. Забур.

Аллох таоло Довуд алайхиссаломга «Забур»ни нозил килган. Забурнинг лугавий маъноси–«мактуб», яъни ёзилган деганидир.

«Батахкик, Биз зикрдан сунг Забурда хам: «Албатта, ерга солих бандаларим меросхур булурлар», деб ёзган эдик» (Анбиё: 105).

Уламоларимиз ушбу ояти каримадаги «зикр» ва «ер» сузларидан кузланган максад хакида икки хил фикр билдирганлар. Баъзилари, «зикр»дан мурод Тавротдир, шунга кура, оятнинг маъноси:

«Батахкик, Биз Тавротдан сунг Забурда хам: «Албатта, ерга солих бандаларим меросхур булурлар», деб ёзган эдик» булади, дейдилар.

Бошкалари эса, «зикр»дан мурод – Лавхул Махфуз, бинобарин, аввал уша маънони Лавхул Махфузга ёзиб, кейин Забурга хам ёзган эдик, маъноси чикади, деганлар.

Аллох таоло бошка бир оятда куйидагиларни айтади:

«Биз сенга худди Нух ва ундан кейинги пайгамбарларга вахий юборганимиздек вахий юбордик. Биз Иброхим, Исмоил, Исхок, Яъкуб, Асбот, Ийсо, Айюб, Юнус, Хорун ва Сулаймонларга вахий юбордик. Довудга эса Забурни бердик» («Нисо»: 163).

Аллох таолодан Забур берилиб, пайгамбар булган вактларида Довуд алайхиссаломнинг ёшлари киркда эди, дейдилар тарихчилар. Забур турт илохий китобнинг бири экани хаммага маълум. Унда мавъизалар, ибратлар, кунгилни юмшатадиган ва зикр килинадиган нарсалар булган.

Довуд алайхиссаломнинг овозлари жуда хам ширали булган. Яхши овозлар У зотнинг овозларига ухшатилиши хамма халклар одатига айланган. Довуд алайхиссалом Забурни тиловат килганларида осмондаги кушлар хам тухтаб колар экан. Хозирда ахли Забур колмаган.

Мумин-мусулмон одам Аллох таоло Довуд алайхиссаломга Забур номли китобни нозил килганига жазм ила иймон келтириши лозим.

III. Таврот.

Аллох таоло Мусо алайхиссаломга «Таврот»ни нозил килган. Таврот сузи иброний тилида «таълим» ёки «шариат» маъносини англатади.

Аллох таоло «Моида» сурасида: «Биз Тавротни нозил килдик. Унда хидоят ва нур бор», деган (44-оят).

Тавротни хам илохий китоб сифатида Аллох нозил килган. Унда одамларга хидоят ва икки дунё саодати йулини курсатувчи нур бор. Унга амал килувчилар акийда, ибодат бобидаги хидоят ва йул-йурикларни уша Тавротдан оладилар. Шу билан бирга, Таврот факат ахлок-одоб ва баъзи диний маросимларнинг мажмуаси эмас. Унда кишилар хаётини бошкариб турувчи таълимотлар, хукмлар бор.

Аммо ушбу оятда зикр килинган Таврот йуколган. Унинг каердалигини хеч ким билмайди.

Хозирда яхудийларнинг кулида бор нарса «Эски ахд» деб номланади. У эса туксон туккизта сифрдан иборат. У уч кисмга: Таврот, Анбиё ва Китобларга булинади.

Таврот Мусо алайхиссаломнинг беш китобидир. Улар: Таквийн, Хуруж, Ловюун, Адад ва Тасниялар.

Анбиё икки кисмга булинади: Аввалгилар ва охиргилар.

Китоблар: Мазомийр, Амсол, Айюб ва бошкалардан иборат.

Аллох таоло «Бакара» сурасида яхудийлар томонидан илохий калом бузилганлиги хабарини бериб куйган: «Уларнинг иймон келтиришларини тамаъ киласизларми? Ва холбуки, улардан бир гурухлари Аллохнинг каломини эшитар эдилар ва сунгра, уни тушунганларидан кейин, билиб туриб бузар эдилар» (75-оят).

Бу ояти каримада мусулмонларга килинаётган хитоб уша пайтда баъзи ихлосли муминлар, яхудийлар иймонга келиб колсалар керак, деган орзуда булганларини курсатади. Албатта, уларнинг бундок тамаъ килишларига асос бор эди. Улар билан Мадийнада бирга яшаб келаётган яхудийлар, илохий китобга эга халк сифатида, якинда охирзамон Пайгамбари чикиши, улар ул Пайгамбарга биринчи булиб иймон келтиришлари хакида тинмай гапирар эдилар. Арабларнинг куплари яхудийлардан васфини эшитган Пайгамбар – Мухаммад соллаллоху алайхи васалламни куришлари билан иймонга келдилар. Энди эса яхудийларнинг узлари хам иймонга келишини тамаъ килишаётган эдилар. Аллох таоло оятнинг аввалида уларнинг мазкур холатларини васф этиб:

«Уларнинг иймон келтиришларини тамаъ киласизларми?» – демокда.

Яъни Эй мусулмонлар, сизлар, яхудийларнинг иймон келтириб, мумин-мусулмон булишларидан умидвор буляпсизларми?

Агар сизларда шундок умидворлик хакикатда булса, билиб куйингки, иш сиз уйлагандек эмас, хол бошкача.

«Ва холбуки, улардан бир гурухлари Аллохнинг каломини эшитар эдилар ва сунгра, уни тушунганларидан кейин, билиб туриб, бузар эдилар».

Бундай одамларнинг иймон келтиришларига умид килиб булмайди. Чунки иймон узига яраша поклик, мусаффолик, нурни кабул килиб олишга истеъдод талаб килади. Аммо яхудийларда бу нарсага якинлик хеч сезилмаяпти. Уларнинг энг яхши вакиллари булмиш диний олимларики Аллохнинг каломини эшитиб, уни тушуниб етгандан сунг, билиб туриб бузсалар, колганлари нима хам килар эди.

Таврот бузилганлигини бошка дин вакиллари хам, хозирги замон илми хам тасдиклаган.

Машхур француз табиби Морис Букай узининг дунёга донги кетган китоби «Таврот, Инжил, Куръон ва илм»да, жумладан, Тавротнинг одамлар томонидан бузилганлиги хакида куйидагиларни ёзади: «Мана шулардан «Эски ахд»га инсон узидан кушган нарсалар канчалар катта хажмда экани билиб олинади. Бу билан укувчи кучиришлар ва таржималар асносида «Эски ахд»га нималар етганини билиб олиши осон. Мазкур тузатишлар икки минг йил давом этган.

Таквийн сифрида хозирги замон илмига нисбатан энг куп карама–каршиликлар тупланган. Биз улардан учтасини айтиб утамиз.

1. Оламнинг яратилиши ва унинг боскичлари.

2. Одамнинг яратилиши тарихи ва инсоннинг ер юзида пайдо булиши тарихи.

3. Туфон ривояти.

Мен яхудийлар ибодатхонасида ун саккиз йил раввин булиб ишлаган жаноб билан уларнинг ибодатхонаси ичида купчиликнинг гувохлигида бахс олиб бордим. Жаноб раввин бизга узлари укийдиган Тавротни олиб келиб курсатди. Кейин, илтимосимга биноан, тугри келган бир оятни укиб, таржима килиб берди. Унда «Аллох Мусога Бани Исроилнинг тадбирини куриб, ишини тугрила, деди» деган маъно бор эди.

Сунгра, орамизда куйидаги савол-жавоб булиб утди. Мен сурадим. Раввин жаноблари жавоб берди.

— Кулингиздаги Мусо алайхиссаломга нозил булган Тавротнинг узими?

— Йук. Мусога Аллох матнни уз кули билан тош лавхаларнинг икки тарафига ёзиб берган.

— Унда Тавротнинг асл нусхаси куп турмаган экан-да?

— Ярим кун турган. Мусо Худонинг олдидан кайтиб келганда Бани Исроилнинг олтин бузокка ибодат килаётганини куриб, кулидаги тошларни ерга уриб синдирган.

— Кейин нима булган?

— Мусо Худонинг олдига яна кайтиб борганда, тошнинг бир тарафига ёзиб берган ва уни олиб келиб сандикка солиб куйган.

— Сизнинг кулингиздаги Таврот ушандан кучирилган нусхами?

— Йук. Бу бошка нарса. Бу, Мусодан икки минг йил кейин ёзилган нусха.

— Унгача нима булган?

–Унгача Мусонинг даврида ёзилган нусха булган. У йуколгандан кейин, буни худди ушанга ухшатиб ёзилган.

–Уша дастлабки нусхадан таржимами бу?

–Йук. Тил бир. Аммо харфлар бошка. Шундок булса хам, маъноси сакланиб колган.

— Кулингиздаги Тавротнинг узими ёки бошка нарса хам борми?

— Тавротнинг узи. Бешта китобдан иборат.

— Шунча нарсани тошга ёзиб, сандикка солиб куйса буладими?

— Мумкин эмас.

— Худо кули билан тошга ёзиб берганда Мусо алайхиссалом сандикка солиб куйган эканлар-у?

— Йук. Тошга ёзилган нарса нималигини биров билмайди.

— Унда Таврот кани?

— Тавротни Мусо узи ёзган. Худо унга ёзишни буюрган. У уз улимини хам ёзган.

— Кандок килиб узининг улимини узи ёзиш мумкин?

— Худо амр килган, сунгра булган.

—   Сиз бизга укиб таржима килиб берган матнда «Аллох Мусога Бани Исроилнинг тадбирини куриб, ишини тугрила, деди» деган маъно бор эди. Мусо алайхиссалом узлари хакида узлари шундай ёзишлари мумкинми?

–Бу буюк савол. Унга Тавротни шарх килганлар хам жавоб топа олмаганлар».

Бу сухбатга изох беришни лозим топмадим. Мухтарам укувчининг узи хулоса чикариб олар, деган умиддаман.

IV. Инжил.

Аллох таоло Ийсо алайхиссаломга «Инжил»ни нозил килган. Инжил юнонча лафз булиб, «башорат» маъносини билдиради.

Ийсо алайхиссалом уттиз ёшга етганларида у зотни Аллох таоло Пайгамбар килиб юборди. Ийсо алайхиссаломнинг Пайгамбар этиб юборилишлари ва ушанда у зотнинг уз кавмларига айтган гаплари хакида бир канча ояти карималар келган. Шулардан баъзиларини урганамиз:

«Уларнинг изларидан Ийсо ибн Марямни узидан олдинги Тавротни тасдикловчи килиб юбордик. Унга Инжилни бердик. Унда хидоят ва нур бор. У, узидан олдинги Тавротни тасдиклагувчидир. У такводорлар учун хидоят ва мавъизадир» (Моида: 46).

Аллох таоло, яхудийларнинг пайгамбарлари изидан Ийсо ибн Марямни Пайгамбар килиб юбордик, дейди. Ийсо ибн Марям алайхиссалом узларидан олдинги Тавротни тасдикловчи булиб келганлар. Аллох таоло у зотга Инжил китобини берган.

«Унда хидоят ва нур бор.»

Инжилда хам кишиларга тугри йулни курсатувчи хидоят ва уларга икки дунё саодат йулларини ёритувчи нур бор.

«У узидан олдинги Тавротни тасдикловчидир.»

Яъни Инжил Таврот шариатига баъзи узгаришлар киритган, холос. Шу билан бирга:

«У такводорлар учун хидоят ва мавъизадир».

Ха, илохий китоблардаги хидоятдан манфаат топиш учун такволи булиш керак.

Бу китоблардаги хидоят ва нурнинг фойдаси таквоси борларга тегади. Такводан холи, гафлат босган калбларга эса бу нур ва хидоят кириб бормайди. Аллох туширган китобда хидоят мавжудлиги аник, нур мавжудлиги аник, энди уша хидоят ва нурдан манфаат топиш учун очик-хассос калб керак. Таъсирчан калб керак. Могор босиб, тошга, кесакка айланган калб керак эмас.

«Зухруф» сурасидаги куйидаги оятлардан хам Ийсо алайхиссаломнинг янги Пайгамбар булиб борган чогларида уз кавмларига айтган гапларидан намуна келган:

«Ийсо очик-ойдин хужжат-муъжизалар билан келган чогида: «Батахкик, мен сизга хикматни келтирдим ва баъзи сиз ихтилоф килаётган нарсаларни баён килиш учун келдим. Бас, Аллохга такво ва менга итоат килинглар.

Албатта, Аллох менинг хам Роббим, сизнинг хам Роббингиздир. Бас, Унга ибодат килинг. Мана шу тугри йулдир», – деди» (63-64-оятлар).

Ийсо алайхиссалом кавмларига Аллохнинг вахдониятига ва узларининг хак Пайгамбар эканликларига далолат килувчи очик-ойдин оятлар, гап-сузлар ва очик-ойдин муъжизалар билан келдилар. У зот уз кавмларига уша пайт:

«Батахкик, мен сизга хикматни келтирдим…» – дедилар.

Хикмат улуг неъматдир. Хикмат пайгамбарликдир. Яна Ийсо алайхиссалом кавмларига:

«…ва баъзи сиз ихтилоф килаётган нарсаларни баён килиш учун келдим»,–дедилар.

Чунки, у кавм Мусо алайхиссалом шариатлари хакида купдан-куп ихтилофга тушган, хар хил мазхаб ва фиркаларга булиниб кетган эди. Ийсо алайхиссалом уларга уша ихтилофлар хакидаги хукмни баён килиб бердилар. Ва:

«Бас, Аллохга такво ва менга итоат килинглар»,–дедилар.

Аллохга такво килмаслик окибатида мазкур ихтилофлар келиб чиккан эди. Пайгамбарга итоат этмаслик окибатида мазкур ихтилофлар келиб чиккан эди. Бас, энди у ихтилофларни йигиштириб, Аллохга такво килинг ва менга итоат этинг, ана шунда иш яхши булади.

«Албатта, Аллох менинг хам Роббим, сизнинг хам Роббингиздир.»

Демак, Ийсо алайхиссалом кавмларига: «Аллох менинг Роббим», деганлар. Аллох менинг отам, деган эмаслар. Демак, Аллох таоло бошка бандаларга Робб булгани каби, Ийсо алайхиссаломга хам Роббдир. Бу хакда ортикча гап бехуда.

«Бас, Унга ибодат килинг.»

Демак, Ийсо алайхиссалом менга ибодат этинг, деган эмаслар, айнан Аллохга ибодат килинг, деганлар. Кимки, бошка гап айтса, ёлгон айтибди.

У кишининг узлари хам:

«Мана шу тугри йулдир»,–деди».

Яъни Аллохга ибодат килишлик тугри йулдир, дедилар. Лекин у кишининг кавмлари бу курсатмага амал килмадилар.

«Саф» сурасида эса Ийсо алайхиссалом уз вазифаларидан яна бошкаларини баён киладилар:

«Ийсо ибн Марям: «Эй, Бани Исроил, албатта, мен узимдан олдин келган Тавротни тасдиклаш ва мендан кейин келувчи Ахмад исмли Расулнинг башоратини бериш учун Аллох сизларга юборган Пайгамбарман», деганини эсла. Качонки, у(Ахмад) уларга хак билан келган вактда эса бу очик-ойдин сехрдир, дедилар» (6-оят).

Ушбу оятда Ийсо алайхиссаломнинг уз умматларига айтган сузлари мухим гаплар булиб, диний таълимотлардаги улкан масалаларни уз ичига олади.

«Ийсо ибн Марям: «Эй, Бани Исроил, албатта, мен узимдан олдин келган Тавротни тасдиклаш ва мендан кейин келувчи Ахмад исмли Расулнинг башоратини бериш учун Аллох сизларга юборган Пайгамбарман», деганини эсла».

Биринчи масала: «Узимдан олдин келган Тавротни тасдиклаш учун» келганман, демокдалар.

Масихий дини китобларида хам Ийсо алайхиссалом тилидан: «Мен номусни йук килиш учун эмас, балки тулдириш учунгина келдим», дейилган экан.

Иккинчи масала: «…ва мендан кейин келувчи Ахмад исмли Расулнинг башоратини бериш учун…» келганман, демокдалар.

Ахмад Пайгамбаримизнинг исмларидир. Ахмад, Мухаммад ва Махмуд исмлари Пайгамбаримизга ном булиб, арабча шукр, мактов маъносини англатувчи «хамд» сузидан олингандир.

Ийсо алайхиссаломнинг ушбу башоратлари Инжилда хам келган. Юханно Инжилида: «Агар менга мухаббат килсаларингиз, васиятларимни тутинглар. Мен отадан сизлар билан абадий собит булиш учун форкилатни талаб киламан», дейилган.

Лекин замон утиши билан рохиблар кейинги нашрларда бу сузнинг урнига бошка суз ишлатадиган булишган.

Замондошларимиздан устоз Ахмад Нажжор гарб олимларидан бири доктор Карлу Нилинудан: «Форкилат»нинг маъноси нима?–деб сурасалар, у киши: «Рохиблар «мъази» деб айтишади»,–дебди.

Шунда устоз Нажжор: «Мен рохибдан эмас, балки юнон тили фан доктори Карлу Нилинудан сураяпман»,–деб рад килибдилар. Факат шу гапдан кейингина ажнабий доктор: «Бу сузнинг асл маъноси «куп шукр»–хамд»,–дебди.

Сунгра, устоз Нажжор «Арабча «хамд» сузининг «Ахмад» шаклида ишлатилишига тугри келадими?»–десалар, доктор Карлу: «Ха»,–деб жавоб килибди.

Лекин шунчалик башоратлар булса хам, «Ахмад», яъни Мухаммад алайхиссалом хак дин билан Пайгамбар булиб келганларида, улар иймон келтирмадилар. У кишига чексиз хурматсизлик ва душманликлар килдилар. У Зотнинг пайгамбарликларини сехр ва узларини сехргар дедилар.

Учинчи масала: Ийсо алайхиссалом уз тиллари билан: «Аллох сизларга юборган Пайгамбарман», демокдалар, худоман ёки худонинг углиман, деганлари йук. Ийсо алайхиссаломга келган масихий динига эътикод килувчи кишиларнинг хозирги акидаси буйича у зот худо ёки худонинг угли хисобланади. Бу эса мутлако хато ва адашувдир.

Биз мусулмонлар Аллох таоло Ийсо алайхиссаломга «Инжил» номли китоб нозил килганига иймон келтирамиз. Бусиз иймонимиз бутун булмайди.

Лекин уша илохий китобнинг асли хозир йук.

Чунки Ийсо алайхиссаломнинг вактларида инжил китоб шаклида булмаган. Хеч ким хеч нарсани ёзмаган. У зотдан кейин баъзи кишилар узлари китоб ёзиб, «Мана шу Инжил, менга вахий килинди. Мен ёзиб олдим», деб чикдилар. Аста-секин инжил «вахий килинганлар» купайиб бораверди. Охири бориб уларнинг сони купайиб кетди. Уларнинг хар бири узининг инжили хак эканини даъво килар эди. Орада гап-суз, олди-кочди купайиб, ихтилофлар кучайди.

Шунда император Константин 325 мелодий санада Никияда (Nicea) катта мажлис чакирди. Бу мажлисда икки минг кирк саккизта патриарх ва митрополит катнашди. Сунгра турли жамоалардан икки мингдан ортик рухоний унлаб инжилларни кутариб келдилар. Император мажлис ахли олдига мавжуд инжиллардан энг ишончлисини танлаб олиш вазифасини куйди. Улар узок талашиб-тортишганларидан кейин турт дона инжилни танладилар.

Хозирда насоролар эътикод ва амал киладиган инжиллар ана уша турт инжилдир.

1. Мутто инжили.

Бу инжил энг кадимги инжил хисобланади. У Ийсо алайхиссаломдан турт йил кейин ёзилган. У иброний тилда ёзилган эди. Аммо уша асл нусха хам йук. Хозиргиси эса ушанинг таржимаси. Лекин таржимон хам, у кайси матндан таржима килгани хам хозиргача маълум эмас.

Бунинг устига, бу инжилнинг муаллифи Мутто Ийсо алайхиссаломнинг хаворийларидан эмасди. Кейинрок уни хоин Яхузонинг урнига сайлашган эдилар.

Ана шундок тарихга эга ёзувни мукаддас китоб эмас, оддий ишончли китоб, деб буладими?

2. Маркос инжили.

Бу инжил юнон тилида Ийсо алайхиссаломдан йигирма уч йил кейин ёзилгани аник. Аммо уни ким ёзгани ноаник. Баъзи насоролар, уни Пётр ёзган, дейдилар. Бошкалари эса, уни Пётрнинг улимидан кейин Маркос ёзган, дейдилар.

Бу инжилни нима дейиш мумкин? Йигирма уч йилдан сунг, Масийх алайхиссалом гапирмаган тилда ёзилган, ким ёзгани аникмас китоб, мукаддас китоб була оладими?

3. Лука инжили.

Бу китоб Масийх алайхиссаломдан йигирма йил кейин ёзилган. Лука у зотнинг шогирдларидан эмас. У Полнинг шогирди. Унинг устози хам Ийсо алайхиссаломни курган эмас. Бунинг устига Пол насороликка душман булган яхудийлардан экан. Шунинг учун хийла билан насороликка карши куп бузгунчиликлар килган экан.

Бундок китобни «мукаддас китоб» дейиш мумкинми?

4. Юханно инжили.

Бу инжил Ийсо алайхиссаломдан уттиз икки йил кейин ёзилган. Баъзи насоро тоифалари уни Ийсо алайхиссаломнинг шогирдларидан бири Юханно ибн Забдий ёзган, дейдилар.

Беш юзта таникли насоро олимлари иштирокида ёзилган Британия энциклопедияси бу китобни, «калбаки» деган экан.

V. Куръон.

Мухаммад соллаллоху алайхи васалламга «Куръон» туширилган. Куръон лафзининг лугавий маъноси «укиш» дегани.

Хозирги кунда бузилмай, узгариш киритилмай колган хакикий, бирдан-бир илохий китоб Куръони Каримдир.

Куръонни уламоларимиз куйидагича таърифлайдилар:

«Куръон–Аллохнинг Мухаммад соллаллоху алайхи васалламга туширган, тиловати ибодат хисобланадиган, ожиз колдирувчи каломидир».

Инсу жин, бутун дунё бир булса хам, Куръонга ухшаш калом келтира олмайди. Биз Куръони Каримнинг маъноси хам, лафзи хам, расми хам Аллохдан, деб эътикод киламиз.

Куръони Карим узидан олдинги илохий китобларни насх – бекор килгандир. Куръони Карим келгандан кейин бошка илохий китобларга амал килиш тухтаган.

Куръондаги барча нарса хакдир, улардан бирортасига шак келтирган киши кофир булади. Ундаги бирор харф узгармаган, алмашмаган. Куръони Карим узидан аввалги барча илохий китоблардаги хакикатларни узида мужассамлаштирган.

Мумин-мусулмон киши Куръони Каримнинг тиловатини урганиши фарз. Уни тажвид билан, изн олган устоздан урганилади. Узига етарли микдорда урганмаган одам гунохкори азим булади. Шу билан бирга, мусулмон киши Куръонни урганмоги, маъносини тушуниб, унга амал килмоги лозим. Куръон халол деган нарсани халол, харом деган нарсани харом билмоги зарур. Унинг амрларига буйсуниб, кайтарганларидан кайтмоги лозим.

Куръони Карим илохий китобларнинг охиргиси булиб, киёматгача бокий колувчи илохий муъжизадир. Уни мухофаза килишни Аллох таоло Уз зиммасига олиб «Хижр» сурасида:

«Албатта, зикрни Биз туширдик ва албатта, уни Биз мухофаза киламиз», деган (9-оят).

Куръони Каримдан кейин илохий китоб келмайди. Ким Куръони Каримдан кейин илохий китоб келишини даъво килса, кофир булади.

Куръони Карим фасих араб тилидаги илохий муъжиза булганидан, уни узидек таржима килиш хеч кимнинг кулидан келмайди. Факат маъноларини таржима килиш мумкин. Лекин бу маънолар таржимаси хеч качон Куръони Каримнинг урнини боса олмайди. У факат маънони тушунишга бироз ёрдам беради, холос.

Шунинг учун Куръони Карим маънолари таржимасини намозда ёки бошка муносабат ва ибодатларда укиш мутлако жоиз эмас. Бинобарин, таржимадан хукм чикаришга, хужжат-дадил келтиришга хам урин йук.

Куръони Каримнинг хакикий илохий китоб эканини хозирги замон илми кайта-кайта таъкидлади ва таъкидлашда давом этмокда.

Купгина гарблик машхур олимлар узларининг илмий ишларини Куръони Каримга солиштириб куриб, тан бериб мусулмон булдилар ва булмокдалар.

Юкорида номи зикр этилган машхур француз олими Морис Букай узининг илмий изланишлари самараси уларок илохий китобларни солиштириб чикди ва «Таврот, Инжил, Куръон ва хозирги замон илми» номли китобини ёзди. Морис Букай бу китобида хозирги замон илми Куръони Карим олдида ожиз эканини ва Таврот, Инжилда турли карама-каршиликлар ва илмга тугри келмайдиган нарсалар куплигини курсатди. Шундан кейин Куръони Каримга иймон келтирганини эълон килди.

Ислом акийдаси буйича илохий китобларга иймон келтириб, Куръони Каримни инкор этган киши кофир хисобланади. Шунингдек, Куръони Каримга иймон келтириб, бошка илохий китобларни ёки улардан бирортасини инкор килувчи киши хам кофир булади. Мазкур Таврот, Забур ва Инжил номли илохий китоблардан бошка хозирда бор турли диний китобларни «илохий китоблар» дея олмаймиз.

Илохий китобларга бирдек иймон келтиришнинг мусулмонларга фарз килиниши Ислом уммати самовий акидаларга меросхур эканлигининг далилидир. Бу эса улкан шарафдир. Шу билан бирга, бу иймон башариятнинг асли бирлиги, дини, илохий бирлигининг рамзидир.

Илохий китобларга иймон келтириш Куръони Каримга иймон келтиришнинг бир булагидир. У доимо башариятни Аллохнинг Узи хидоятга солиб турганини билдиради.

Илохий китобларга иймон келтириш мусулмонларни ушбу китобларга ахл булган халклар билан якинлаштиради.