Узавто канака найранг килади!

UzAuto Motors 126 млн сумлик Onix, 179 млн сумлик Тracker-2 ва 375 млн сумлик Маlibu-2 сотувини бошламокчи эди. Хуш, якунда нима булди?

Узавто Моторс мунтазам равишда нархларни оширишга уриниб келиши янгилик эмас. Хусусан, жорий йил март ойидан бошлаб “янгиланган” рутбаси билан Мalibu XL автомобилларининг сотуви бошланди.

Компания расмий хабарида келтирилишича, Мalibu XL 3 хил комплектацияда (XL 1LT – 375 млн; XL 2LT –390 млн; XL LTZ – 419 млн сум) сотувга чикарилиши керак эди. Амалда эса факатгина эски Malibu-2’дан катта фарк килмайдиган 419 млн сумлик Malibu XL сотувда пайдо булди.

Маълумот учун, Мalibu XL утган йили Хитойда уша пайтдаги курс буйича 25 минг 750 доллардан сотувга чикарилган.

Бу каби кузбуямачиликлар факат Malibu’дагина кузатилган эмас. Масалан, 2022 йилнинг 1 ноябридан шартнома бериш бошланган Chevrolet Onix дастлаб 126,5 млн сумдан 189,9 млн сумгача (15 фоизлик ККС билан кушиб хисоблаганда) нархларда таклиф килинганди.

Энг арзон комплектация (126,5 млн сумлик) руйхатда булса-да, сотувга чикарилмади. Ушанда гуёки энг арзон комплектацияни олмокчи булган харидорлар ариза бериши, агар етарли таклиф тупланса (етарли деганда канча ариза назарда тутилаётгани номаълум), кейин компания бу позицияни ишлаб чикариш ёки чикармасликни уйлаб куришини келтириб утганди. Лекин бу позициядаги автомобил учун канча ариза келиб тушгани буйича хеч кандай расмий маълумот берилмади ва унака арзон комплектация сотувга хам чикарилмади.

Ажабланарли жихати, сотувлар бошланганидан бироз муддат утгач, Onix’нинг 149 млн сумлик, 155 млн сумлик, 159 млн сумлик ва 185 млн сумлик моделлари хам сотувдан олиб ташланди.

Алалокибат, 9-12 минг доллар оралигида сотувга чикарилиши ваъда килинган Chevrolet Onix бахоси 18 минг долларгача шиширилди. Чунки феврал ойининг охиридан кейинги даврда компания расмий дилерлик марказларидан факатгина Onix’нинг 207 млн сумлик Premier 1 модели ва ундан нархи баланд комплектациялари учун шартнома олиш мумкин эди холос.

Май ойининг бошида эса Onix учун шартномалар бериш бутунлай тухтатилди. Компания расмий хабарига кура, 25 майдан бошлаб бу жараён кайта тикланади. Аммо куйида келтирилган моделлар учунгина контрактация тузиш мумкин:

• Onix Premier 1 (207 млн сум);
• Onix Premier 2 (карийб 215 млн сум);
• Chevrolet Onix Premier Plus вa Redline (нархи очикланмаган).

Узини “автогигант” деб атовчи компания шартнома учун очик булган аввалги комплектацияларнинг нархи узгаришсиз колдирилишини иддао килаётган булса-да, 25 майдан бошлаб 159 млн сумдан 185 млн сумгача нархланган 4 хил моделнинг узи сотувга чикарилмайди. Яъни бюджет автомобил булиши ваъда килинган Onix’нинг бахоси сунъий дефицит ва турли хил уйинлар билан 207 млн сумгача оширилади.

Катта эхтимол билан, сентябр ойидан сотуви бошланиши ваъда килинаётган Chevrolet Onix Premier Plus вa Redline моделлари учун хам нархлар яна оширилади.

Гуёки истеъмолчиларга нархларни арзонрок килиб курсатишга харакат килувчи автокомпания янгиланган Chevrolet Tracker сотуви бошланганида хам юкоридаги схемадан фойдаланган. Хар доимгидек, 179 млн сумлик бошлангич комплектация сотувга чикарилмади.

Эътиборга молик жихати, UzAuto Motors уз расмий сахифасида янги моделлар нархини ККСсиз келтириб утади. Буни автомобиллар нархини нисбатан арзон килиб курсатишга уриниш сифатида бахолаш мумкин. Чунки ККС жорий йилнинг 1 январидан эътиборан 15 фоиздан 12 фоизга пасайди, лекин компания нархни туширгани йук. Вахоланки, UzAuto Motors янги Оnix модели нархларини эълон килганида, нархларни ККСсиз курсатган эди. Харидорлар канча тулаши кераклигини уша курсатилган нархни 15 фоизга купайтириб узлари хисоблаб олишига тугри келганди.

Ишлаб чикариш сезиларли кискарган

Расмий статистикага кура, Узбекистонда 2023 йилнинг январ – апрел ойларида 83,5 мингта енгил автомобил ишлаб чикарилган.

• Cobalt – 27 739 дона (кискариш – 3,3 фоиз);
• Lacetti-Gentra – 20 673 дона (кискариш – 21,4 фоиз);
• Damas – 19 052 дона (кискариш – 19 фоиз);
• Тracker – 3 618 дона;
• Оnix – 3 104 дона;
• Nexia Т-250 – 1 985 дона (кискариш – 72,4 фоиз);
• Spark – 187 дона (кискариш – 95,3 фоиз);
• Махсус енгил автомобиллар – 7 194 дона (ошиш – 38,4 фоиз).

Таккослаш учун, утган йилнинг мос даврида Узбекистонда 95 мингта енгил автомобил ишлаб чикарилган. Яъни утган бир йил ичида ишлаб чикариш 11,5 мингтага камайган.

Ишлаб чикариш хажмини йилига 500 минг донага, келгусида эса миллион донага етказишни уз олдига максад килиб куйган монопол автокомпаниянинг утган 4 ой ичида баландпарвоз ваъдалар билан сотувини бошлаган Оnix ва Тracker’дан атиги 6700 дона ишлаб чикаргани хам алохида “эътироф”га сазовор.

Козогистонликлар учун бор Cobalt узбекистонликлар учун йук

Иктисодчи Отабек Бакировнинг ёзишича, ишлаб чикариш кескин кискарганига карамай, UzAuto Motors четга автомобил экспорт килишни давом эттирмокда.

“Масалан, январ-апрел ойларида 27 739 та Cobalt ишлаб чикарилган булса, шу даврда Козогистонда 10 627 та Cobalt сотилган. Ишлаб чикариш тухтатилган деб эълон килинган булса-да, 1985 та Nexia-3 ишлаб чикарилган, лекин Козогистонда 2 728 та Nexia-3 сотилган. Яъни утган йили ишлаб чикарилиб, эхтимолки, яширин омборларда тузлаб куйилган Nexia-3’лар хам Козогистонга кетган.

Цинизмнинг олий чуккиси шуки, узбекистонликларга Nexia-3 учун контрактация утган йили сентябрда, Сobalt учун эса декабрда тухтатилган. Бир дона хам Nexia-3 ва Cobalt ишлаб чикарилмаган кахратон январда Козогистонга эхтимолки, тузлаб куйилган омборлардан етказилган уч мингдан зиёд шу русумдаги автомобиллар сотилган. Койилмисиз?

[…] Козогистонда январ, феврал, март ва апрелдаги автомобиллар сотувига каранг, танлов ва ракобат кенглигига эътибор каратинг. Шуларнинг хаммасига узбекистонликлар хам хакли аслида, лекин ута тор ва юкори даражада коррупциялашган манфаатлар учун бутун бошли халк бошка мухим танловлардан махрум килингани сингари автомобил танловидан хам махрум этилган”, дея ёзади Отабек Бакиров.

Эслатиб утамиз, 2022 йилнинг декабр ойи бошида бюджет моделлар – Damas, Labo, Cobalt ва Gentra учун шартнома тузиш тухтатилган эди. Карийб 6 ойга якин вакт утган булса-да, кисман Узбекистонда ишлаб чикариладиган ушбу автомобиллар сотуви качон очилиши борасида хеч кандай маълумот йук.

Тасдикланмаган маълумотларга караганда, бу моделлар учун шартнома бериш очилмаётганига компаниянинг мамлакатдаги сиёсий тадбирлар туфайли нархларни ошира олмаётгани асосий сабаб булиши мумкин.

Умуман олганда, UzAuto Motors автомобил импортига урнатилган тусиклар билан химоя килиб келинади. Одамлар бошка, арзонрок ва сифатлирок танловлардан сунъий равишда махрум килинган. Ташкаридан автомобил олиб кириш учун эса олиб кирилаётган машина нархининг тенг ярмига якин бож тулови жорий килинган. Лекин импортга тусиклар факат божлардан иборат эмас: сертификатлаш ва бошка говлар хам бисёр.