Кандай килиб пул топиш мумкин

Купчиликнинг огзидан “пулга бахтни сотиб ололмайсан” кабилидаги гапни эшитиб коламан. Эмишки, соглик, таълим ва турмушнинг “муштлари” олдида пул ахамиятсиз когоз булиб колверади. Аслида-чи? Агар барча айтилган гапларни унутиб, кулимизда бор маблагга кема кура олсак, бахт сари сузиб кетишимиз тайин. Агар хаётда нимага интилиб яшамокчисан, деб суралса, энг умумий жавоб, балки, бахтли булиш учун яшамокдаман, булса керак. Бахтли булишнинг бир талаби ё куриниши борми?

Кимдир Парижнинг машхур Клозери де Лила ресторанида таом тановул килганидан хурсанд булса, бошка кимса севимли футбол жамоасининг галабасини экран каршисида нишонлаб, бахтни хис этади. Айримлар пул топганда хам уни бахтли булиш ва яхши кайфиятда юриш учун сарфлайди. Оддий мисол, паловни уйда еса булади. Лекин ресторанда утириб тановул килсангиз, сизга алохида хизмат курсатилса, колаверса, идишларни хам бошкаси йигиштириб, ювса, негадир узингизни эркин ва хушчакчак хис этасиз. Бошкача килиб айтганда, тиббий хизматнинг сифатли ва уз вактида курсатилиши, барчаси маблаг масаласига бориб такалади. Ана шунда уйланиб коламан, пулга бахтни, умрни сотиб ололмасмиз, лекин унингсиз хаёт бир маромда давом этмайди-ку!

Демак, фаровон хаётни етказиб берувчи омиллар ичида энг биринчи булиб, пул яккол кузга ташланмокда. Тугри-да, пулинг булса, чангалда шурва! Уша акча каёкдан келади?! Лаббай? Ишлаш керак дейсизми?! Асло, агар сиз хали хам ишлаган тишлайди, деб ишонсангиз, куп иктисодий кийинчиликларни бошдан кечирган экансиз. Боиси, хеч ким хозир кучани дабдурустдан супуриб, тозаласангиз пул бериб кетмайди. Ахир ишладингиз, лекин маошдан дарак йук-ку?

Аслида, сизнинг ичингиздан утгани бу, вактни сотиб пул топамиз, деган фикр эди. Атрофга бокинг! Барча уз вактини сотиб, даромад килмокда. Иктисодчи, новвой, сартарош, учувчи ва сиз хам, шу жумладан. Тушунишингиз учун энг оддий мисол бу – укитувчи. У уз вактини сотиб, маош олади. Маош тайинланишида хам мантикий ечим бор: ойлик вактга эътибор каратади. Новвой эса сиз уйгонмаган махал хамир кориб, тандир киздирган эди. Кайсидир маънода у хам кундалик вактининг бир кисмини (албатта, дехкон ва тадбиркор вакти сарфланган бугдой уни билан бирга) сизга сотади.

Ишнинг сифатичи? Махсулдорлик каёкда колади? Табиий савол тугилади, нега хаммада бир хил, Яратган эгам такдим этган 24 соат булиб, хар ким турлича даромад топади. Масалан, укитувчи молиячидан кам маош олиши мумкин. Уз навбатида, бошка укитувчи яна бир хамкасбидан хам кам пул топади. Сабаби, улар камрок вакт сотаётгани эмас, балки у кун корайгунча тер тукиб ишлар?! Асл сабаб вактга эгалик килган одам нималарни билишидадир. Баъзан махоратли сартарош катта корхона бошлигидан хам куп даромад килади, чунки у соч олишнинг барча сир-асрорларини билади. Хуш, кандай килиб вактни кимматга сотиш мумкин?

Сунгги нуктага етиб келдик. Кайси соха вакили булишингиздан катъи назар, сиз вактингиз киммат булишини хохласангиз, бошкалар кам билган билимга интилиш лозим. Хар бир касбда уни махорат билан эгаллаганлар бахтли яшаши учун етарли булган даромадни топади. Кам билувчининг вактига хам кам харидор булиши тайин. Компьютер дастурларини яратган Билл Гейтс дунёнинг биринчи ракамли миллиардери хисобланади, аммо сиз энди худди шу дастурни яратиб миллиардерга айлана олмайсиз. Киска килиб айтганда, замондан бир кадам илгари булинг, билим олинг. Бунинг учун, албатта олий таълим куришингиз суралмайди, у хар жойда мавжуд. Китобда, сухбатда, мехнатда, хаётда ва хар маконда. Мухими, кунт билан узлаштиринг.

Бахтли хаётни курмокчи булган азиз укувчи, билим олишга интилинг, пул эса бир восита. Барчамизга ана шу бахтли хаётимиз учун аслида пул эмас, билим зарурлигини англайлик