Силга чалинган болалар курпа-тушаги теримчи аскарларга бериб юборилди

Коракалпогистон Республикаси, Турткул туманидаги 5-санатория мактаб-интернати укувчиларининг курпа-тушаклари пахта тераётган харбий хизматчиларга бериб юборилди.

Бу интернатда даволаниб укиётган сил касаллигига мойил болалар кечаси билан ухлолмай совкотиб чикаётгани, шамоллаб касал булаётгани хакида ота-оналар Озодликка 25 октябрда шикоят килди.

Мактаб маъмурияти юкорининг буйруги билан 50та курпа-тушак сафарбарлик резервидаги харбийларга бериб юборилганини тасдиклади.

Турткул туманидаги 5-санатория мактаб-интернатида фарзанди укиётган, исми сир колишини сураган оналардан бирининг айтишича, у фарзандига уйидан курпа-тушак олиб бориб беришга мажбур булган:

“Углимнинг озгина сил касаллиги бор. Шунинг учун шу интернатга берган эдик. Беш кун интернатда, икки кун уйда булади. Лекин, охирги марта келганида кечаси билан совкотиб чикяпмиз, курпа-тушагимизни олиб куйишган, факат чойшаб ётиб ётибмиз, деди. Бориб курсам, хакикатан шундай. Болалар совук хоналарда калтираб ётибди. Сурасам, аскарларга бериб юбордик, пахта тугаса кайтариб беришади, агар имкони булса уйингиздан курпа олиб келинг, дейишди. Кейин, уйдан олиб бориб бердим,” – дейди оналардан бири.

Озодлик болаларнинг факат чойшаб ёпиб ётгани акс этган видеони хам кулга киритди.