Барбод кишлок – Устабузармонлардан колган излар буйлаб

Жиззахда бир жой бор. Бахтсизлик макони. Биз бу ерда хакикий бахтсизликни, хакикий бахтсизларни курдик… Келинг, бир бошдан хикоя киламиз.

Мирзачул шурхоклари устидаги бу худуд утган асрнинг 70-йиллари охирида чулкуварлар томонидан узлаштирила бошланган, бу худуд Мустакиллик йилларининг илк йилларида гуллаб-яшнаган, республиканинг турли худудларидан келган ёш оилалар халк тилида хозиргача «3-совхоз» деб юритиладиган бу посёлкани узларига янги макон килишганди.

Аммо янги аср бошида бу худудлар эътибордан четда колади ва ахолининг яшаш шароитлари кескин ёмонлашиб кетади.

Жорий йилнинг февралида «Kun.uz» ижодий гурухи Жиззах вилоятига сафари давомида ушбу худуддаги муаммоларни урганган ва сайтда «Диккат, кейинги бекат – «Порлок йул совхози (харобалари)» сарлавхали материал хам эълон килинганди.

2018 йилнинг февраль ойи охирида Узбекистон президенти ташаббуси билан «Обод кишлок» дастури буйича ишлар бошланиб кетади. Жиззах вилоятида «Манас» кишлоги, Самарканд вилоятида «Жом» кишлоги намунали тарзда обод килинди.

2018 йилнинг 29 мартида Узбекистон Республикаси Президентининг «Обод кишлок» дастури тугрисида»ги фармони имзоланади. Шу куни президентнинг «Обод кишлок» дастурини 2018 йилда амалга ошириш буйича кушимча чора-тадбирлар тугрисида»ги карори хам имзоланиб, дастур ижросини мувофиклаштириш буйича республика комиссияси тузилади. Дастурга кура, республикада 2018 йил мобайнида 370 кишлок ва махаллалар дастурга биноан ободонлаштирилиши белгилаб куйилади. Ободонлаштириш ишларига республика буйича 6396та ташкилот бириктирилади.

Куйидагилар ахоли турмуш даражасини ошириш максадида кабул килинган дастурнинг устувор максадлари этиб белгиланган:
1) ахолини ичимлик суви билан таъминлаш, сизот сувлар сатхини пасайтириш, кишлокларни туман маркази билан боглайдиган йулларни куриш, автобус катновини йулга куйиш;
2) кишлок ички йуллари ва пиёдалар йулакларини барпо этиш ва таъмирлаш, йул буйларини ободонлаштириш ва кукаламзорлаштириш, санитария иншоотлари ва ирригация тизимларини барпо этиш, транспорт тухташ бекатларини куриш;
3) электр таъминотини яхшилаш, алока тизимини модернизация килиш, ахолига суюлтирилган газ ва кумир ёкилгисини узлуксиз етказиб бериш;
4) ижтимоий ахамиятга эга булган хизматларни тубдан яхшилашга эътибор каратиш, бунда богча, мактаб ва оилавий поликлиникаларни куриш, реконструкция килиш ва таъмирлаш ишларини амалга ошириш;
5) бозор инфратузилмаси объектларини ва сервис шохобчаларини, жумладан, хаммом ва кичик бозор шохобчаларини барпо этиш;
6) уй-жойларни таъмирлашда хонадон эгаларига амалий ёрдам курсатиш, авваламбор, курилиш материаллари билан марказлашган холда таъминлаш, мухтож оилалар учун хомийлар ва иш берувчи корхоналар маблаглари хисобидан уй куриб бериш (таъмирлаш) ва бошкалар.

Аввалги номи «Тинчлик» кишлок фукаролар йигини булган, хозирда номи «Ёшлик» КФЙ сифатида узгарган совхоз хам Зарбдор туманида (бу худуд узок йиллар мобайнида Зомин тумани таркибида булган, жорий йил бошида Зарбдор тумани таркибига утказилган) режага киритилган икки кишлокдан бири эди. Бу ерда 507 хонадонда 3108 нафар фукаро истикомат килиб келмокда.

Бу худуд шу йил охирига кадар ободонлаштирилиши шарт эди.

Лекин бу тасвирларда куринадики, «Ёшлик» кишлок фукаролар йигинида факат бузиш ишлари утказилган ва кишлок хароба ахволга келтирилган.

Устабузармонлар томонидан бори хам йук килинган.

Март ойида халк катта-катта ваъдалар билан умидлантирилган,оддий кишилар хукумат эътиборини кузда кувонч ёшлари билан кабул килишган, келажакка ишонч билан карай бошлашганди. Аммо улар яна алданиб колишди.

Худуд янги туман таркибига утказилгач, янги рахбарлар архитекторлар билан келишиб, кишлокнинг янги лойихасини курсатишади. Унга кура, асосий йулга кушимча яшил йулаклар хосил килиниши белгиланган, бу эса ахоли уйларининг деворларини ичкарирокка суришини талаб этарди. Мутасаддилар хукумат томонидан янги деворлар кутариб берилишига, хар бир уйга ичимлик суви кириб боришига ваъдалар беради. Катта умидларга берилган ахоли эса уз ихтиёри билан деворларини бузишга киришади. Натижада, «Обод кишлок»ка айлантирилиши керак булган худуд «Барбод кишлок»ка эврилади.

Журналистлар дарагини эшитиб тупланган ахоли вакилларидан хол сураймиз.

Хозирда 2018 йилнинг октябри яримлай бошлади. Утган вакт ичида бу худудда дастур буйича кандай ишлар амалга оширилган?

Бу кишлок врачлик пункти. 8 ой олдин кандай холатда булган булса, хозир хам авария холатида колмокда. Ахолининг сузларига кура, рахбарлар бу худудга, 3 мингдан ортик киши яшайдиган худудга КВП керак эмас деб хисоблаб, ахолини тиббий хизмат учун унлаб километр масофалардаги худудларга катнашга мажбурлашни режалаштирмокда. Бу совхоздаги КВП ходимлари эса келажаги не кечишини билмай сарсон.

Бу бир вактлар болаларнинг шух уйин-кулгилари билан тулган гавжум богча эди. Кейинги йиллар давомида хувиллаб колган бу бинода дастур доирасида яна мактабгача таълим муассасаси ташкил этиш буйича харакатлар бошланганди.

Аммо айни вактда бу бинонинг шиферлари каёккадир олиб кетилган, бино каровсиз холда ташлаб куйилган.

Бу масжид биноси. Кишлок ахли учун ёпик. Нуроний кишилар хозирда ибодат учун 20 километрдан ортик масофадаги шахарчага катнашга мажбур. Дастур доирасида масжидни хам очиб бериш ваъда килинган, диний бошкарма вакиллари хам худудда булишган ва навбатдаги ваъдалар берилган, аммо якунда бу иш хам улда-жулда колиб кетган.

Бу ахоли учун ичимлик суви сакланадиган сув туплайдиган гидротехник иншоот. Дастур доирасида худуддаги хар бир хонадонга ичимлик суви етказиб бериш учун ишлар бошланган, уйлар томон сув кувурлари утказилган, худудга келадиган сув кувурини таъмирлаш доирасида хатолик юз бериб, ахоли карийб бир ой давомида ичимлик сувисиз колиб кетган хам, шундай томошалардан кейин хам иш якунига етказилмаган, айни вактда хонадонларга уланган кувурлардан бир томчи хам сув чикаётгани йук. Ахоли хар куни сув сакланаётган худудга келиб, минг азоб-укубат билан уйига сув ташишга мажбур.

Бу эса мактаб спорт зали биноси. Алохида мавзу.

Дастур буйича кузда тутилган бошка ишлар – туман марказига автобус катновини йулга куйиш, бекатлар куриш, сизот сувлар сатхини пасайтириш, бозор инфратузилмаси объектларини ва сервис шохобчаларини, жумладан, хаммом ва кичик бозор шохобчалари барпо этиш ишлари бошланиши тугул, бу хакда умуман гап хам булмаган.

Хокимлар узгарса хам (2016 йилнинг сентябридан буён Зарбдор туманига хокимлик килиб келган Ислом Бобожонов урнига 2018 йилнинг 5 апрелида, айни «Обод кишлок» дастури буйича ишлар бошланган вактда Нарзулла Кушбоков янги хоким этиб тайинланади. Аммо у бу лавозимда 4 ой хам ишламай, август ойи бошида ишдан олинган, унинг урнини Сирдарё вилоятининг собик хокими Ойбек Ашурматов эгаллаган), тизим ишлашда давом этавермайдими? Туман хокими узгариши билан ишлар чала колиб кетаверадими? Колаверса, вилоят рахбари Эргаш Солиев хали уз жойида.

Утган ойлар давомида дастур доирасида бажарилган ягона иш – кишлок четида битта дукон курилиши булган. Колгани факат ваъдалигича колиб кетмокда. Йил эса поёнига етиб бормокда.

Жиззах вилояти хокимлиги сайтини куздан кечирамиз. Сайтда «Обод кишлок» доирасида Дустлик тумани («Манас» кишлоги шу туманда жойлашган) ва Мирзачул туманида олиб борилаётган ишлар унлаб хабарлар ва лавхаларда ёритилган, аммо на Зарбдор туманидаги ва на бошка туманлардаги вазият хакида лом-мим дейилмаган. Бу Мирзачул ва «Манас»дан бошка жойларда намойиш этгулик иш олиб борилмаганининг яна бир исботидир.

Энди нима булади? Кейинги йилга утилганида бу кишлок дастурдан ташкарида булади ва навбат дастурга киритиладиган бошка кишлоклар ахолисини сарсон килишга етадими?

Кизик томони, энди рахбарлар бузилган деворларни уз жойига кайта тиклаб куяколишни маслахат килишмокда. Кимнинг бунга курби етади, кимнинг йук. Ховлилар очик, кимнинг буюми йуколган, кимнинг уйидаги бор иш кучанинг куз-унгида.

Ундан хам кизиги – бир неча марта кишлокдаги газ трубаларини кесиб олиб кетмокчи булишган ва ахоли каршилиги туфайли бу режа амалга ошмай колган. Маълум булишича, бу трубалардан бошка бир кишлокни «обод килиш»да фойдаланмокчи булишганди.

Бу хангомалар яхши бир комедик фильм учун тайёр сценарий-ку?

Аслида бу ерда фожиа.

Бу йуллардан юриб буладими? Хар бир ташланган кадамдан кейин одам шу жойларда тугилганидан, шу ерларда яшаётганидан, шу ерларда колишга мажбурлигидан кайта-кайта уксимайдими? Бу йулларда йикилиб колган одамларда факат рахбарлардан норозилик уйгонмайдими? Бу чанг-тузонда нафас ололмай колганлар лаънатлар укимайдими? Хакикий бахтсизлик дегани шу эмасми?

Йиллар давомида газсиз ва электр токисиз яшашга куникиб кетган одамлар бошларига тушган бу янги савдолардан хайрон.

Киш якин. Бу кишлок ахолиси навбатдаги кишни аввалгиларидан кура купрок куркув ва хавотир билан кутмокда.