Халкаро тиббиёт доираларида таникли булган кардиожаррох, тиббиёт фанлари доктори Каландар Бобожонов Узбекистонга кайтиб, узининг касб фаолиятини давом эттиришга карор килди, деб хабар беради UZ24.

jarrohФото: UZ24

Каландар Бобожонов Украина тиббиёт фанлари академиясининг Н. Амосов номидаги юрак-кон томир жаррохлиги Миллий институтида бош маслахатчи булиб ишлайди.

«Президент Шавкат Мирзиёевнинг хориждаги юртдошларимизни Ватан равнакига уз хиссаларини кушишга даъват этгани шифокорни шу карорга келишига сабаб булди», — дейилади хабарда.

Каландар Бобожонов Узбекистонда биринчи булиб Фонтен, Глен Биглен операциялари тажрибасини, мураккаб тугма юрак нуксони холатида артериал жаррохлик, юрак-ишемик касаллиги булгани холатида ишлаб турган юракда аортокоронар шунт урнатишни амалиётда куллаган. У 2002 йили «Узбекистон Республикасида хизмат курсатган согликни саклаш ходими» фахрий унвонига сазовор булган. Олим узининг мехнат фаолияти давомида Лусака (Замбия)даги университет шифохонасининг кардиожаррохлик марказига асос солган.

Каландар Бобожонов юрак патологияси билан боглик 200 дан зиёд, турли патологиялар холатида очик юракда хаммаси булиб 8000 операция утказган. Жумладан, митрал ва аортал клапанларни протезлаш, икки клапанли протезлаш, Фалло тетрадаси касаллиги ва бошка мураккаб тугма нуксонлар билан боглик операцияларни амалга оширган.

Кардиожаррох 1986 йили собик иттифок олий аттестация комиссияси карорига биноан, юрак-кон томирлари жаррохлиги буйича тиббиёт фанлари номзоди илмий даражасини олган. 2004 йили эса Украина олий аттестация комиссияси карорига биноан, юрак-кон томирлари жаррохлиги буйича тиббиёт фанлари доктори булган. У олти нафар фан номзодини хамда бир нафар фан докторини тайёрлаган.

Олим турли табобат нашрларида чоп этилган 271 илмий маколанинг хамда «Болалар кардиожаррохлигида анестезиологик таъминот ва интенсив терапия» номли монографиянинг муаллифи хисобланади.