Актубеда 52 узбекистонлик улимида айбланган козогистонлик хайдовчиларга хукм укилди

Козогистоннинг Актубе областида Жиноий ишлар буйича туманлараро ихтисослаштирилган судда Актубедаги йулда 52 нафар узбекистонлик ёниб кетган автобус хайдовчиларига хукм укилди. Вилоят суди матбуот хизмати хабарига кура, жами 5 айбланувчига жазо тайинланган.

«Автобус хайдовчилари Б.Танатов, Н.Киргизбоев ва М.Пернебековга суд 5 йилга озодликдан махрум этиш жазоси тайинлади. Улар кейинги 7 йил мобайнида йуловчи ташиш хизмати сохасида ишлай олишмайди», дея хабар берган «Интерфакс» агентлиги.

«Азия транзит сервис» (автобусга эгалик килган компания) механиги Б.Пердебаев хамда компания директори Н.Тлепбаев эса 3,5 йил муддатга озодликдан махрум этилган. Улар суд залида камокка олинган.

Бундан ташкари, судланувчилар халок булган 52 узбекистонлик учун уларнинг оила аъзоларига 2 миллион тенге микдорида (5300 доллар атрофида) товон пули тулашади.

2018 йилнинг 18 январь куни Козогистоннинг Актубе области худудида, Самара-Чимкент трассаси 1068-километрида хайдовчилар билан бирга жами 57 киши булган автобус ёниб кетганди. Бу фожиа окибатида Узбекистоннинг Россияга кетаётган 52 нафар фукароси халок булган. Фожиадан 5 киши омон колган, уларнинг 3 нафари козогистонлик хайдовчилар ва 2 нафари Узбекистон фукаролари. Автобуснинг ёниб кетишига расмий сабаб – техник носозлик ва хавфсизлик техникасига риоя килмаслик.

Судланувчиларга хизмат вазифаларига совукконлик билан караш, носоз автотранспортни эксплуатация килиш окибатида икки ва ундан ортик кишининг улимига сабаб булиш, хужжатларни калбакилаштириш каби айбловлар илгари сурилганди.

Тергов давомида аникланишича, хар икки йилда техник курикдан утиши шарт булган автобус охирги марта 2015 йилда бундай курикдан утказилган. Хайдовчилардан бири хайдовчилик гувохномаси олиб куйилган булса-да, автобусни бошкарган. Автомеханик Баходир Пердебаев эса носоз автобуснинг хизмат курсатишига рухсат берган. Автобус ана шундай катор камчиликлар билан Сариогочдан Козон шахрига йул олган.

Уч хайдовчи солярка музлаб колгунига кадар навбат билан автобусни бошкариб борган.

Хайдовчи Нуржон Киргизбоев йуловчилар исиниши учун кавшарлаш лампасини салонга олиб кирган ва яна бир хайдовчи Барот Танатов билан бирга ташкарига чикиб кетган.

Автобусга кайтганларида йуловчилардан бирининг шими ёнаётганини куришган. Йуловчи ташкарига отилиб чикиб корда кийимини учирмокчи булган. Бу пайтда автобус портловчи газлар билан тулиб колганди. Портлашдан бир неча сония олдин йуловчилардан бири ва хайдовчи Максад Пернебеков салондан чикишга муваффак булган, лекин уларнинг оёк-куллари куйган.

Кейин портлаш содир булган ва иккинчи каватдаги 52 йуловчининг барчаси тириклай ёниб кетган.

Мазкур фожиа буйича суд мажлиси 3 сентябрда бошланган, унда мархумларнинг якинлари уларнинг халок булганига ишонмасликларини айтганди.