Хавз хакида

Аллох таоло Расулуллох соллаллоху алайхи васалламга хитоб килиб: «Албатта, Биз сенга Кавсарни бердик», деган (Кавсар: 1).

«Кавсар» сузи лугатда куп яхшилик, жуда хам куп яхшилик маъносини англатади. Арабларда сон жихатидан, кадр-киймат жихатидан ва ахамияти жихатидан куп булган нарсага «кавсар» дейилади.

Имом Термизий ривоят килган хадисда куйидагилар зикр килинади: «Кавсар жаннатдаги дарё булиб, унинг икки киргоги олтиндан, узани дуру ёкутдан; тупроги мискдан хушбуй, суви асалдан ширин, кордан окдир. Ким ундан бир ичса, кейин абадий чанкамайди».

Имом Муслим ва имом Термизийлар Анас ибн Молик розияллоху анхудан ривоят килган хадисда эса куйидагилар айтилади:

«Бир куни Расулуллох соллаллоху алайхи васаллам ичимизда турган эдилар, бир оз жим туриб колдиларда, сунг табассум-ла бошларини кутардилар.

«Сизни нима кулдирди, эй Аллохнинг Расули?»–дедик.

«Менга хозиргина бир сура туширилди» деб, «Бисмиллахир Рохманир Рохим. Иннаа аътойнака ал-Кавсар» сурасини кироат килдилар.

Сунгра: «Кавсар нималигини биласизларми?»–дедилар.

«Аллох ва Унинг Расули билувчидирлар»,–дедик.

«У Роббим азза ва жалла менга ваъда килган нахрдир. Унда куп яхшилик бордир. У киёмат куни умматим келиб хузуримда сув ичадиган ховуздир. Унинг идишлари юлдузлар ададича. Улар ичидан бир банда сугуриб олинади. «У менинг умматимдан!» дейман. Шунда:«Бу сендан кейин нима килганини билмайсан?» дейилади».

Имом Термизий ривоят килган хадисда айтилишича: «Албатта, хар бир пайгамбарнинг ховузи бордир. Пайгамбаримиз соллаллоху алайхи васалламнинг ховузлари энг катта, энг ширин ва энг куп одам келадиганидир».

Ва Пайгамбар соллаллоху алайхи васалламнинг: «Менинг ховузимнинг микдори Ийлаадан Яманнинг Санъоси кадардир. Унда осмондаги юлдузлар сонича идишлар бордир», деган хадислари хам Кавсар хавзаси мавжудлигига далолат килади.

Имом Бухорий Анас розияллоху анхудан ривоят килганлар.

Анас розияллоху анхудан ривоят килинади:

«Набий соллаллоху алайхи васаллам: «Мен жаннатда юриб кетаётсам, бирдан олдимдан хавз чикиб колди. Унинг икки томони ичи буш дур куббалардан.

«Эй Жаброил! Бу нима?»–дедим.

«Бу сенга Роббинг берган Кавсардир»,–деди.

Карасам, унинг лойи холис мискдан экан»,–дедилар».

Бухорий, Абу Довуд ва Термизий ривоят килган.

Ховуз тугрисидаги хадислар жуда купдир. Сахобалардан уттиздан ортиги ривоят килганлар. Шайх Имодуддин ибн Касир узининг «Ал-Бидоя ван-Нихоя» номли катта тарих китобида хаммасини санаб чиккан. Уламоларимиз ховуз хакида келган хадислар мутавотир даражасига етган, дейдилар.

Ховузнинг сифатида келган хадислардан куйидагилар фахмланади:

Албатта, у улкан бир ховуздир.

Мухтарам сувхонадир. У сутдан ок, кордан совук, асалдан ширин ва миски анбардан хушбуй булган Кавсар анхоридан жаннат шаробини олади.

У жуда хам кенгдир. Эни билан буйи тенгдир. Тарафларидан хар бири бир ойлик йулдир.