Циркнинг артист маймунини “хамкасблари” еб куйди

16 июль куни “Узбек давлат цирки”да Рижик исмли маймун уз кафасидан чикиб кетиб, халок булди.

Бу хакда Озодликка 27 июль куни цирк ходимларидан бири, исми очикланмаслик шарти билан, хабар килди. Унинг айтишича, кафасидан чиккан маймун у билан битта хонада сакланган йулбарслар ва арслон катаги ёнига борган ва йирткичлар уни еб куйган.

Узбек давлат цирки директори вазифасини бажарувчи Рустам Мажидовнинг Озодликка айтишича, вокеа хайвон ургатувчи Азамат Хусиновнинг совукконлиги туфайли содир булган.

Азамат Хусинов эса, фожианинг сабабчиси сифатида цирк рахбари Рустам Мажидовни айблади. Унинг айтишича, маймунга тегишли алохида хона янги директор томонидан тортиб олинган.

Хайвон ургатувчи Азамат Хусиновнинг айтишича, коидага биноан, цирк хайвонлари алохида-алохида хоналарда сакланиши керак. Бирок 2018 йилнинг январида Рижикка тегишли хона янги директор томонидан тортиб олинган.

– Киш кунларида бир неча кун совук гаражда, ветеринар врачнинг хонасида сакланиб келди, эски курпачаларни тушаб, аранг жонини сакладим, бу ёзги хайвон, улиб колади, деб куп гапирдим, – дейди Азамат.

Унинг сузларига караганда, маймунга алохида хона берилаверилмагач, уни иккита йулбарс ва битта арслон сакланадиган хонага куйишга мажбур булган.

– Маймуним тугул, узимга хам хона йук. Хамма артистларда ечиниб-кийинишга хона бор, мен эса, цирк томошасига чикадиган булсам йулбарслар хонасида кийиниб-ечинаман, – дейди хайвон ургатувчи.

Хусиновнинг иддао килишича, фожианинг асл сабаби цирк рахбарининг тамагирлигидир. Узбекистон Республикаси Маданият вазирига ёзган аризасида Азамат Хусинов, жумладан, бундай деган:

“2-3 ой олдин Россия Федерациясидан айнан менинг номеримга нисбатан таклифнома келган эди. Шунда вактинча директор вазифасини бажарувчи Мажидов Рустам Россия Федерациясига бормаслигим учун хар-хил бахоналар билан рад этди. Хозирги кунда яна менинг номерим буйича Россия Федерациясидан таклифнома келиб тушди. Ушбу таклифномани мен кадрлар булимига такдим этганимда, вактинча директор вазифасини бажарувчи Мажидов Рустам худсоветни (бадиий кенгаш -тахр.) йигиб, улар билан узаро келишиб олиб, яна таклифномани рад этди. Ушбу худсоветдагилар Мажидов Рустамни куллаб-кувватлайдиган шахслардир.

Шуни таъкидлаш лозимки, агарда мен Россия Федерациясига чикиб, уларнинг цирк томошаларида катнашсам, бу чикишим Узбекистон Республикаси давлат циркига маблаг келиб тушишига сабаб булар эди. Аммо Мажидов Рустам уз манфаатини уйлаб, циркка келиб тушадиган пул маблагини менга берасан, деб тускинлик килиб келмокда. Мен бу талабига мутлако рози булмадим”, дейилган Азамат Хусиновнинг Маданият вазирлигига ёзган аризасида. Хусинов худди шу гапларни Озодлик билан сухбатда хам такрорлади.

Узбек давлат цирки директори вазифасини бажарувчи Рустам Мажидов Озодлик мухбири саволларига жавоб бераркан, Азамат Хусиновнинг номерини Россия циркларидан бири таклиф килинганини тан олди, лекин Хусиновнинг иддаоларини рад этди.

“Россияга узбек артистларининг бориб ишлаши цирк учун хам жуда яхши даромад олиб келувчи амалиётдир”, деди Рустам Мажидов.

Цирк рахбарининг айтишича, “кон мазасини татиган йулбарслар” эндиликда хеч каерга бора олмайди, цирк ветиринарининг карорига кура, йирткичлар Тошкент зоопаркига топширилади.

Бирок хайвон ургатувчининг фикрича, йиллар давомида килган мехнати махсули булган “артист” йулбарслари ва арслонини зоопаркка бериб юбориш учун уларнинг “кон татиб кургани” сабаб була олмайди.

“Уларга ветеринар врачнинг курсатмаси билан хар икки хафтада шундок хам тирик куён берилар эди”, деди Азамат Хусинов.

Шу кунда Хусинов йирткичларининг олдига кира олмаяпти.

“Иккита кулф осилган. Битта кулф меники, лекин унинг устидан цирк кулф осган. Йулбарслар ичкарида. Менда кириб уларга сув бериш имконияти хам йук ” – дейди хайвон ургатувчи.

Узбекистан Давлат циркини вактинча бошкараётган Рустам Мажидов циркнинг собик директори, ИИБ томондан цирк мол-мулкини талон-тарож килганликда гумонланиб кидирувга берилган Бахром Мажидовнинг укасидир.