Узбекистонда янги телеканал ташкил этиш таклиф килинмокда

“Менинг фикрим” жамоавий мурожаатлар порталида “Абитуриент телеканали”ни ташкил этиш хакида петиция эълон килинди.

Билдирилишича, халкимиз азал-азалдан илмга чанкок булиб, инновацион гояларни илгари сурувчи ва янгиликка интилувчи халк сифатида дунёга танилган. Шу сабабли, бугунги кунда хам юртимизда ёшларнинг билим олишлари, баркамол авлод булиб вояга етишлари учун кенг куламли ислохотлар амалга оширилмокда. Хозирда ёшларнинг олий таълим тизимида сифатли билим олишлари ва уз сохаларининг етук мутахассислари булишлари учун барча шарт-шароитлар яратилмокда.

“Шу максадда, урта махсус маълумотга эга булган битирувчилар хам бор куч-гайратларини олий таълим муассасасига киришга сарфлашади. Абитуриентлар юрган йулларида укиб, изланиб, радио ва телеканаллар оркали таълим сохасига тааллукли булган турли янгиликларни кузатиб боришади”, – деб ёзади мурожаат муаллифи.

Таъкидланишича, хозир мамлакатда радио тингловчилар ва телевидение мухлислари орасида абитуриентлар салмокли уринга эга. Агар абитуриентлар учун хам махсус телеканал ташкил этилиб, у оркали фанларга доир тавсия ва тушунтиришлар бериб бориладиган булса, абитуриентларнинг билим ва куникмалари янада ортади. Махсус телеканалнинг ташкил этилиши куплаб кулайликларнинг юзага келишига сабаб булиши айтилади.

“Юкоридаги фикрларга асосланган холда, “Абитуриент телеканали”ни ташкил этишни таклиф киламан”, – дейилади петицияда.