Умар розияллоху анхудан ривоят килинади:
«Пайгамбар соллаллоху алайхи васаллам: «Агар сизлардан бирортангиз тахорат олса-ю, тахоратини яхшилаб килса, сунгра тахоратидан фориг булишида: «Ашхаду аллаа илаха иллаллоху вахдаху лаа шарийка лаху. Ва ашхаду анна Мухаммадан абдуху ва Росулуху», деб айтса, албатта, унга жаннатнинг саккиз эшиги очилур ва у хохлаганидан кирур», дедилар».
Бешовларидан факат Бухорий ривоят килмаган.
Термизий эса: «Аллохумма ижъалнии минат таввабийн ва ижъалнии минал мутатоххирин»ни зиёда килган.
Шарх: Хазрати Умар ибн Хаттоб розияллоху анхудан ривоят килинаётган бу хадиси шарифда хам тахоратни тугатгандан сунг укиладиган дуо эслатилмокда. Охирида эса мазкур икки амалга бериладиган мукофот – жаннатнинг саккиз эшиги очилишию тахоратни яхшилаб килиб, хадисда келган дуони укиган одамнинг узи хохлаган эшикдан жаннатга кириши айтилмокда. Бу хам тахоратни яхшилаб килиш ва шаходат калимасини ихлос билан айтишнинг канчалар фазилатли эканини яна бир бор курсатиб турибди.
Уламоларимиз айтишларича, тахорат килиб, аъзоларни турли кир ва ифлосликлардан поклаб булгандан кейин шаходат калималарини айтиш Аллохга ихлос ила амал килганликка ва калбнинг риё ва ширклардан пок булганига ишорадир.
Имом Термизий ушбу хадисни ривоят килганларида шаходат калималаридан кейин:
«Аллохумма ижъалнии минат таввабийн ва ижъалнии минал мутатоххирин», деган дуо укиган эканлар. Бу дуо «Эй бор Худоё! Мени куп тавба килувчилардан ва покланувчилардан килгин», деган мазмунида келади.
Бу билан киши тахорат олиб, баданини сув билан поклагач, Аллох таолодан тавба килмаса кечирилмайдиган гунохлари учун уша дуо билан тавбага муяссар этишини сурайди. Аллох таолонинг Пайгамбари Мухаммад соллаллоху алайхи васаллам ана шу тоифа кишиларга жаннатнинг саккиз эшиги очилиб, хохлаганидан киришлари мумкинлигини башорат этмокдалар.
Шундай экан, доимо тахоратимизни маромига етказиб, мукаммал килайлик, сунгра ихлос билан калимаи шаходатни ва ушбу хадисда келган дуони укишга одатланайлик.