Оккургонда уч болани улдириб, ховлисига кумиб куйган шахс жиноятларини кушниларидан уч олгани билан изохлади

Тошкент вилоятининг Оккургон тумани, Хонобод махалласида уч нафар болани улдирган ва умрбод камок жазосига хукм килинган Зохид Отабоев уз жиноятларини кушниларидан уч олгани билан изохлади. Бу хакда Бош прокуратуранинг Facebook’даги сахифасида маълум килинди.

2010 йили 23 ёшли Отабоев хамкишлоклари билан махаллий тукимачилик фабрикасида ишлаётганда кушнилари Аббос Отамирзаев, Шодиёр Алибоев ва Зуфар Азимбоев качон уйланиши хакида сураб, хазиллашган булади. Зохид буни киноя, эркаклик гурурининг топталиши сифатида кабул килади. Бунинг учун уч олиш режасини тузади ва кушниларининг фарзандларини улдиришга карор килади.

Котилнинг биринчи курбони Аббос Отамирзаевнинг 7 ёшли угли булди. 2010 йил 12 июнда Зохид кучада уйнаб юрган Шахбозни алдаб, уйга чакиради ва бошига бир неча бор каттик зарба беради. Сунг болани бугиб, чукурга ташлаб юборади ва устидан тупрок тортади. Узи хам иштирок этгани учун бир неча ой давом этган кидирув ишлари хеч кандай натижа бермайди.

2014 йил 10 августда Отабоев Шодиёр Алибоевнинг 9 ёшли гунг угли Ёркинбек велосипедда сайр килиб юрганини куриб, уни хам алдов йули билан уйига олиб келади. Олдинги усул билан улдириб, янги урага кумиб ташлайди, велосипедни эса дарёга ташлаб юборади. Боланинг ота-оналари бир хафтадан сунг велосипедни топади, бирок бу тергов олдинга силжишига ёрдам бермайди.

Орадан 3 йил утиб Зохид Отабоев уйланади, бирок бу жиноий режасини охирига етказишга тускинлик килмайди. Уша йили ноябрь ойида унинг томоркасига тасодифан Зуфар Алимбоевнинг 3 яшар угли Ойбек кириб колади. Отабоев болани кетмон билан уриб жарохатлайди, сунг омборга олиб утиб, бугиб улдиради. Болани суроклаб келган Ойбекнинг онасига хеч кимни курмаганини айтиб, уйга кайтиб, унинг жасадини хам чукурга ташлайди.

Орадан уч кун утиб жиноятчи Бош прокуратуранинг ута огир жиноятларни тергов килиш бошкармаси ходимлари томонидан кулга олинди.