Главная / Сиёсат / Нурободда сихатгох курган тадбиркор «синиш» арафасида. Муаммога ечим борми?

Нурободда сихатгох курган тадбиркор «синиш» арафасида. Муаммога ечим борми?

Президент Шавкат Мирзиёев маърузаларидан бирида тадбиркорлик фаолиятининг эркинлиги, хусусий мулк дахлсизлигини амалда таъминлаш бундан буён хам давлат сиёсатида устувор йуналиш булиб колишини таъкидлаганди.

«Биз иктисодиётимизни янада эркинлаштириш, тадбиркорларга кенг йул очиб бериш сиёсатини бундан кейин хам катъий давом эттирамиз. Хал килувчи ахамиятга эга бу сохани хар томонлама куллаб-кувватлаш, унинг олдида пайдо буладиган тусикларни бутунлай олиб ташлаш масаласи давлат рахбари сифатида менинг доимий эътиборим ва назоратимда булади», — деган эди давлатимиз рахбари.

Шунингдек, президент тадбиркор фаолиятига тусик булиш давлат сиёсатига хиёнат, деб кабул килинади, дея огохлантирганди.

Тан олиб айтиш керак, тадбиркорларга бир катор кулайлик ва имтиёзлар яратилди, тусик булаётган жихатлар бартараф этилди, янги имкониятлар эшиклари очилди.

Аммо тахририятимизга тадбиркорлардан келаётган турли мазмундаги мурожаатлар шуни курсатмокдаки, хали хам тадбиркорлар учун айрим тусиклар: муаммоларини хал этишда сансалорлик, йиллар давомида идорама-идора югуриш, рахбарлар эшиги олдида бесамар вакт утказиш каби эскитдан колган салбий жихатлар, эскича карашлар хали хам мавжуд.

«Kun.uz» сайтига Самарканд вилояти, Нуробод туманидан келган мурожаат хам шу мазмунда. «Абдукодир ота сув билан даволаш сихатгохи» МЧЖ рахбари Вахоб Сагдуллаев уз мурожаатида катта маблаг эвазига сихатгох курганлиги, унинг фаолиятини бошлашда муаммолар борлиги, айни вактда тадбиркорлик фаолияти огир ахволга келиб колганлигини кайд этган.

Мазкур мурожаатни жойида урганиш учун Нуробод туманидаги Нурбулок шахарчасида булдик. Асли каттакургонлик, фаолиятини Нуробод туманида олиб бораётган тадбиркор Вахоб Сагдуллаев билан учрашиб, унинг эътирозларини тингладик.

«2017 йил июнь ойида мехмонхона куриш учун ер ажратишини сураб, Нуробод тумани хокимлигига мурожаат килдим. Турли талаблар куйилди ва орадан олти ой утиб, туман хокими карори чикди. 40 уринли мехмонхона куриш лойихаси киймати 820 млн 277 минг 400 сум булса, шундан бор-йуги 80 миллион сумини банкдан кредит олдим. Колган барча харажатларни уз хисобимдан килдим. Курилиш ва жихозлаш ишлари якунланганидан сунг, бинонинг орка томонида 500 метр узокликдаги шифобахш сув кудугига уланиш учун туман хокимлиги ва бир нечта ташкилотларга мурожаат килдим. Аммо ечим булмади.

Бир йилга якин сарсонгарчиликлардан сунг, маъданли сув кудугидан мехмонхонага сув бериш мумкин эмаслигини айтишганидан кейин 40 уринли мехмонхонани 2019 йил 16 январь куни «Абдукодир ота сув билан даволаш сихатгохи» МЧЖ юридик шахс макомига узгартириб, давлат руйхатидан кайта утказдим. Шундан сунг Согликни саклаш вазирлигидан тегишли лицензияни хам олдим. Аммо курилиши ва жихозланиши 2018 йилда якунланган бинони мехмонхона килсак хам, сихатгох килсак хам фаолиятини йулга куя олмаяпмиз. Радонли сув кудугига улаб берилмаяпти. 2019 йил январь ойидан бошлаб, банкдан олган кредит маблагини хам тулай бошладим. Бор топганимизни шу лойихага сарфладик. Аммо тускинлик туфайли иш бошлай олмаяпмиз. Бор-будимизни сарфлаб, энди «синиш» арафасидамиз. Билмадим, ракобатми бу, аммо бизга етарлича тускинликлар буляпти. Алам киладигани, бирорта ташкилот бу масалада ёрдам бергани йук. Вилоят ва туман хокимлари хам бу масалани хал этиб беролмади. Вилоят рахбари Э.Турдимов тадбиркорларни куллаб-кувватлашини эшитиб, у кишининг кабулига хам боргандим. Масъул мутасаддига урганиш учун топширик берди. Аммо топширик уша ернинг узида, вилоят рахбари олдида колиб кетди. Хеч нарса узгармади, биров кимсан, нима киляпсан, деб сурамади хам. Кимдан, кандай ёрдам сурашни хам билмаймиз», – дейди Вахоб Сагдуллаев.

Тадбиркор курган бинони куздан кечирдик. Икки каватли, замонавий бино. Хоналар хам талаб даражасида жихозланган. Шу вактга кадар мутасаддилар шундай бинодан унумли фойдаланиш чораларини курмаганлиги ажабланарли. Хархолда бундай замонавий бино куриш тадбиркор учун осон булмаганлиги куриниб турибди.

Хуш, муаммо аслида нимада?

Тадбиркорнинг эътирозлари асосида хужжатлар билан танишдик. Идорама-идора югураверганидан унинг кулида жавоб хатларию бошка хужжатлар анча тупланиб колибди.

Аслида тадбиркор учун тусиклар 2017 йилда ер сураб мурожаат килгандаёк бошланган. Унинг айтишича, туман хокимининг курилиш ишларига масъул уринбосари О.Бутаев ер ажратиш учун тадбиркордан 4 тонна металлолом талаб килган. Тадбиркор бу талаб асосида «Худудий иккиламчи кора металлар» МЧЖга 4 тонна металлолом топширади. Бу хакида 2017 йил 17 июлдаги 1620-сонли далолатнома хам мавжуд.

Аммо шу билан тадбиркорнинг масаласи хал булмайди. Орадан вакт утиб, йил охирида, яъни 2017 йил 26 декабрда туман хокимининг 1267-К-сонли «Манзилли дастур асосида курилиши режалаштирилган 40 уринга мулжалланган мехмонхона биносини куриш учун ер майдони танлаб ажратиш тугрисида»ги карори кабул килинади. Бундан куриниб турибдики, лойиха туманнинг 2018 йилги манзилли дастурига киритилган.

Тадбиркор ушбу мехмонхонани куриб, замонавий жихозлагандан кейин радонли шифобахш сув кудугига улаш учун туман хокимлигига мурожаат килади. Нафакат махаллий хокимлик, масала хал булмагандан кейин турли ташкилотлардан ёрдам сурайди. Аммо масала ижобий хал этилмайди.

Шундан кейин тадбиркор 40 уринли мехмонхонани 2019 йил 16 январь куни «Абдукодир ота сув билан даволаш сихатгохи» МЧЖ юридик шахс макомига узгартириб, давлат руйхатидан утказади. Шундан сунг Согликни саклаш вазирлигидан тегишли лицензияни хам олади.

Бирок тадбиркор курилиши ва жихозланиши утган йили якунланган бинони мехмонхона килса хам, сихатгох килса хам фаолиятини йулга куя олмай сарсон. Сабаби, шифобахш радонли сув кудугидан фойдаланиш учун рухсат берилмаяпти. «Абу Али ибн Сино» сихатгохи кудукларидан шартнома асосида маъданли сув тортиб келиш деярли имконсиз. Икки-уч километр масофага асфальт йуллар ва уйларнинг остидан тармок тортишнинг имкони деярли йук. Колаверса, бу катта маблаг талаб килади. Шундок хам лойихага бор-будини сарфлаб булган тадбиркорга бу огирлик хам килади. Аммо тадбиркор курган сихатгох биносининг орка томонида 500 метр узокликда бошка кудук мавжуд. Турли ташкилотлар эшигида сарсон булаётган тадбиркорга мазкур муаммо хал килиб берилмаяпти.

Унинг кулида мурожаатларига 3-сектор рахбари, Нуробод тумани ИИБ бошлиги, туман хокимлиги, Самарканд вилояти касаба уюшмалари ташкилотлари бирлашмаси кенгаши, Узбекистон касаба уюшмалари федерацияси, Давлат геология ва минерал ресурслари кумитаси, вилоят прокуратураси ва бошка ташкилотлардан келган жавоб хатлари талайгина.

Барча жавоб хатлари у ёки бу ташкилотга мурожаат килиш тавсия килинган мазмунда. Бирор ташкилот масаланинг ижобий ечими учун амалий харакат килмаган. Саргардон тадбиркорни янада сарсон килишган, холос.

Ушбу холат юзасидан Нуробод тумани хокимлигида хам булдик. Туман хокимлигининг курилиш масалалари буйича бош мутахассиси Навруз Рахмонов билан сухбатлашдик. Мутасадди маъданли сув кудугига уланиш масаласини хал этиш туман хокимлиги ваколатига кирмаслигини билдирди.

Мутасадди ташкилотлар факат тавсиявий жавоб хатлари билан чегараланса, махаллий хокимлик тадбиркорга ёрдам бериш, тегишли ташкилотларга таклиф билан чикиш урнига ваколатига кирмаслигини билдирса, вилоят хокимининг тадбиркор муаммосини урганиш юзасидан масъул мутасаддига берган топшириги ижроси таъминланмай колаверса, унда тадбиркор бошини каерга урсин!? Уз хисобидан бир миллиард сумга якин маблаг сарфлаган. Сихатгох фаолиятини йулга куймаса, тадбиркор шунча маблагга куйиб колади.

Самарканд вилояти хокими Э.Турдимов хафтанинг хар жума куни тадбиркорлар учун кабул утказишидан, муаммоларини хал этишидан хабаримиз бор. Бу тадбиркорнинг муаммосига-чи, ечим топиладими?

«Kun.uz» Нуробод тумани, Нурбулок шахарчасидаги тадбиркор, «Абдукодир ота сув билан даволаш сихатгохи» МЧЖ рахбари Вахоб Сагдуллаевнинг муаммоларига вилоят ва туман мутасаддилари томонидан эътибор каратилишига ишонч билдиради.

Check Also

p7u7Beasvd7DQoPn5HnvWtUq2c_nGKgl

Хасад – куплаб гунохлар манбаи. Рахимберди домла Рахмонов билан сухбат

Инсоният ер юзида истикомат килишни бошлагач содир этилган илк гунох хасаддан булди. Кобил укаси Хобилни …

Даре уз Янгиликлар – сӯнги Ӯзбекистон хабарлари