Главная / Маданият / Муборак кунларни ганимат билинг!

Муборак кунларни ганимат билинг!

 muborakБизларни бир томчи сувдан яратиб, калбимизга иймон неъматини ато килган Кудрати, Рахмати, Фазилати чексиз булган Хакийм Зот Аллох таолога битмас-туганмас хамду санолар булсин!

Бизларга Хидоятни бекаму куст етказган, Оламларга рахмат килиб юборилган хабибимиз Мухаммад мустафога саловоту саломлар булсин!

Кунлар, хафталар, ойлар утиб, яна бир бор зиммамиздаги Исломнинг беш арконларидан бири булган руза амалини бажариш учун фурсат булган, Аллохнинг рахмати, магфирати ёгиладиган муборак Рамазон ойи каршисида турибмиз.

Ха, якиндагина Рамазон ойи билан видолашгандик, у эса яна бир зумда бизларни согинч билан карши олмокда.

Диний адабиётларимизда Киёматнинг кичик аломатларидан бири сифатида вактдан барака кутарилиши, жумладан, бир йил бир ойга, бир ой бир хафтага, бир хафта бир кунга тенг булиши хакида ёзилган.

Дархакикат, худди кечагина Жумъа намозини укигандек бугун навбатдаги Жумъа намозига тараддудланмокдамиз. Худди якиндагина Ражаб ойи кириб келаётгани ва бу ойнинг фазилатлари хакида сузлашиб тургандек эдик, бир зумда Шаъбон ойига хам етиб келдик.

Бир тарафдан, йиллар утгани сари бир Рамазондан кейингисигача етиб келишимиз тезлашяпти. Иккинчи тарафдан эса утган йилги Рамазонни биз билан бирга утказган баъзи якинларимиз, биродарларимиз, кавми-кариндошларимизга бу йилги Рамазонни карши олиш насиб этмади.

Аллохнинг казои кадари етиб, улар бу фоний дунёдан охират сафарига йул олишди. Мулохаза килиб курсак, улар орасида кимдир умрини Аллохнинг тоатида утказди, вактни ганимат билиб фарз амалларини тукис адо килишга, жумладан, Рамазон рузасини тулик тутишга харакат килди ва эришди. Кимдир узига турли бахоналарни топиб, «Аллох насиб этса, келаси Рамазондан бошлаб руза тутаман», деб ният килди-ю, бу ниятига етишмади.

Дарвоке, бу йилги Рамазон ойи биз учун утган йилдагилардан узгача утиши аник. Хусусан, энди биз миллатимизнинг ифтихори, замонамизнинг улуг алломаларидан бири булган Шайх Мухаммад Содик Мухаммад Юсуф рахимахуллохнинг «Рамазон тухфалари»дан бахраманд була олмаймиз.

Шундай экан, келаётган Рамазон ойи бизлар учун бир фурсатки, уни ганимат билиб, бу ойни Аллох буюрган фарз рузасини адо килиш билан бирга, кечаларини Унинг тоатида коим утказиш – нажот истаган биз, бандаларга улуг неъмат, бахт ва имкониятдир.

Модомики, руза тутишга кодир эканмиз, унинг кадрига етайлик. Атрофимизда руза тутишга интилган, аммо хасталиги, карилиги ва бошка сабаблар туфайли унга эриша олмаётган мумин ва муминалардан ибрат олайлик.

Уламоларимиз намозимизни бенуксон адо килиш учун, уни худди умримизда сунгги маротаба укиётганимиздек коим килишни тавсия килганлар.

Мазкур тавсияга риоя уларок, биз хам келаётган Рамазон ойида килинажак яхши амалларимизни гуё буларни хаётимиздаги сунгги Рамазонда бажараётгандек, барча ахкомлари билан тулик адо этишга интилайлик. Чунки бу дунёдаги ризкимиз битиб, балки биз хам кейинги Рамазонгача етиб бормасмиз.

Ушбу сатрларни ёзарканман, кунглимдан хасталиги туфайли утган йилги Рамазон рузасини тута олмаган бир муминанинг куйидаги гаплари утди: «Мана Рамазон хам келди. Умримда биринчи марта руза тутмаслигим. Хомиладор пайтимдаям тутмаганидим, лекин у бошка эди. Борган сари руза тутишга иштиёким ошиб кетяпти. Шу пайтгача шунчалик кадрига етмаган эканман Рамазонни. Билмадим, менга яна Рамазонни куриш насиб килармикин…». Унга яна Рамазонни куриш насиб этмади.

Йаа Зал жалали вал икром! Рамазон ойини бизларга муборак килгин! Сенинг розилигингни истаб, бу муборак ойда кундузлари соим, кечалари тоатингда коим туришга бизларга куч-кувват ато эт! Ибодатларимизни Уз фазлинг ва караминг ила кабул эт! Гунохларимизни магфират кил, устимизга сакинани ёгдиргин! Бизлардан иймонда утганларни Уз рахматингга олиб, уларни магфират кил! Уларни хам, бизларни хам офиятда килгин! Бизларни нажот топганлардан кил! Омин!

Check Also

wsd4xD3Anx78ZV1kkfa2p-WUrb4vZcNE

Зафаробод туман хокимлиги иш юритувчиси 8000 доллар билан ушланди

Холат юзасидан тупланган хужжатлар Жиззах вилоят ИИБ хузуридаги Тергов бошкармасига топширилди. 2020 йилнинг 19 август …

Даре уз Янгиликлар – сӯнги Ӯзбекистон хабарлари