Главная / Маданият / Макбул дуо

Макбул дуо

makbul-duoАбу Хурайра розияллоху анхудан ривоят килинади:

«Набий соллаллоху алайхи васаллам: «Роббимиз таборака ва таоло кечанинг охирги учдан бири колганда дунё осмонига тушади ва: «Ким Менга дуо килади, Мен унга ижобат килсам, ким Мендан сурайди, Мен унга ато килсам, ким Менга истигфор айтади, Мен уни магфират килсам» дейди», дедилар».

Туртовлари ривоят килишган.

Шарх: Ким дуоси кабул булиш вактини истаса, кечанинг охирги учдан бири колганда дуо ила машгул булсин. Сахар чоги килинган дуо кабул булиши тажрибада хам куп синалган хакикатдир.

Амр ибн Абаса розияллоху анхудан ривоят килинади:

«Расулуллох соллаллоху алайхи васалламнинг «Робб бандага энг якин булган пайт, кечанинг охирининг кисмидир. Агар уша соатда Аллохни зикр киладиганлардан булишга кодир булсанг, бул», дедилар».

Шарх: Бу хадис хам аввалги хадиснинг маъносини таъкидламокда, десак, хато килмаган буламиз. Кечанинг охирги кисми – унинг учдан охирги бир кисми булиши маълум. Ана шу вактда Аллохни зикр киладиган ва У Зотга дуо киладиган бандалардан булишга харакат килишимиз лозим.

Кечанинг охирида бедор булиб, Аллох таолони зикр килиб, дуолар килиш жуда хам катта фазлдир. Хар ким бу ишни амалга ошириш учун харакат килмоги лозим.

Абу Умома розияллоху анхудан ривоят килинади:

«Эй Аллохнинг Расули! Кайси дуо эшитиладиганрок?» дейилди.

«Кечанинг охиридагиси ва фарз намозлардан кейингиси», дедилар».

Иккисини Термизий ривоят килган.

Шарх: Ким уз дуосининг кабул булишини истаса, кечанинг охирида ва фарз намозларининг охирида дуо килсин.

Абу Хурайра розияллоху анхудан ривоят килинади:

«Набий соллаллоху алайхи васаллам: «Банда Роббисига энг якин буладиган пайт у саждада турганидадир. Бас, дуони купайтиринглар. Бас, сизга ижобат булиши хакдир», дедилар».

Муслим ва Абу Довуд ривоят килишган.

Шарх: Намоз банданинг уз Роббиси ила яккама-якка муножотидир.

Намоз мумин инсоннинг меърожидир.

Намоз мумин инсоннинг Аллохнинг хузурида узини энг хор ва энг паст тутган холидир.

Сажда эса намознинг бандалик равшан зохир булган, хорлик ва зорлик энг равшан намоён булган жойидир. Банданинг зорлиги канчалар ошса, Аллохнинг унга якинлиги шунчалик ошади.

Шунинг учун хам банда саждада турганида Роббисига энг якин холда булади. Роббисига якин булиб турганда эса сураган нарсаси кабул булиши учун хам энг якин хол булади. Шунинг учун хам банда саждада турган холида купрок дуо килиши керак.

Имом Муслим ва Ахмаддан ривоят килган хадисда Пайгамбаримиз соллаллоху алайхи васаллам:

«Огох булингким, мен рукуъда ва саждада турган холимда Куръон кироат килишдан нахйи килиндим. Аммо рукуъда Аллохни улугланглар, саждада эса дуо килишга ижтиход килинглар, сизга ижобат булиши лойикдир», деганлар.

Савфон ибн Абдуллох розияллоху анхудан ривоят килинади:

«Шомга бордим. Абу Дардонинг манзилига бориб уни топмадим. Умму Дардони топдим. У менга:

«Бу сана хаж килмокчимисан?» деди.

«Ха», дедим.

«Бизга яхшилик сураб, дуо кил. Набий соллаллоху алайхи васаллам «Мусулмоннинг уз биродарига гойибдан килган дуоси мустажобдир. Унинг бошида бир муваккал фаришта туради. У уз биродарига хар сафар яхшилик тилаб дуо килганда муваккал фаришта: «Омин! Сенга хам ушандок булсин!» дейди» дер эдилар», деди.

Бозорга чикиб, Абу Дардони топдим, у хам Набий соллаллоху алайхи васалламдан худди шу гапни накл килди».

Муслим ва Абу Довуд ривоят килишган.

Шарх: Улуг сахобий Абу Дардо розияллоху анху оилалари билан Мадинаи Мунавварадан Шомга кучиб кетганлар ва уша ерда яшаганлар. Шунда куёвлари уларни кургани Шомга борибдилар. Борсалар, уйда факат кайноналари Умму Дардо розияллоху анхо бор эканлар. Абу Дардо розияллоху анху каергадир чикиб кетган эканлар.

Ривоятда зикр килинишича, ушанда Умму Дардо розияллоху анху куёвларидан:

«Бу йил хажга борасанми?» деб сурабдилар.

«Ха», дебди куёв.

Шунда Умму Дардо розияллоху анхо:

«Унда бизнинг хаккимизга хайрли дуо килиб куй. Чунки Набий соллаллоху алайхи васаллам «Мусулмон кишининг уз биродари учун гойибдан килган дуоси кабул булади. Дуо килаётган кишининг боши устида бир муваккал фаришта туради ва дуо хайрли булса: «Омин! Сенга хам шундай булсин», деб туради» деганлар», дебдилар.

Масалан, бу киши: «Эй Аллох! Фалон биродаримга такво бергин, хайр-барака бергин» деб дуо килса, унинг боши устида турган фаришта: «Омин! Сенга хам шундай булсин!» деб турар экан.

Куёв бу гапни эшитибди. Сунг кайтиб кетаётиб, бозорда кайнотасини учратиб колибди. Кайноталари хам худди Умму Дардо розияллоху анхо айтган гапларни айтибдилар.

Демак, бу сахобаларнинг купчилиги курган, эшитган, собит булган нарса экан. Сафарга, хажга ва умуман, дуоси кабул буладиган жойларга борадиган кишилардан дуо сураш, хаккимизга дуо килиб куйинг, деб илтимос килиш сахобаи киромлар килган амаллардан экан.

Албатта, улар бу ишни Пайгамбаримиз соллаллоху алайхи васалламнинг хадисларига биноан килганлар.

Алхамдулиллах, бу нарса бизда хам яхши йулга куйилган, хажга кетаётганлардан, мусофирлардан дуо килишни сураб колишади.

Ушбу хадиси шарифдан олинадиган фойдалар:

1. Мусулмонлар бир-бирларига дуо сураб туришлари кераклиги.

2. Бировнинг оркасидан узи йуклигида килинган дуо макбул булиши.

3. Оркадан килинган дуога муваккал фаришта «омин» деб туриши.

4. Бировга гойибдан яхши дуо килувчининг узига хам у биродарига сураган яхшиликчалик яхшилик етиши.

Бу хадиси шарифга амал килишга утмогимиз лозим.

Абу Довуд ва Термизийнинг ривоятида:

«Албатта, дуонинг энг тез ижобат буладигани гойибнинг гойибга киладиган дуосидир», дейилган.

Шарх: Чунки бундок дуо риёдан ва хужакурсиндан йирокда булади. Хамда чин ихлос ва соф ният ила килинади.

Check Also

wsd4xD3Anx78ZV1kkfa2p-WUrb4vZcNE

Зафаробод туман хокимлиги иш юритувчиси 8000 доллар билан ушланди

Холат юзасидан тупланган хужжатлар Жиззах вилоят ИИБ хузуридаги Тергов бошкармасига топширилди. 2020 йилнинг 19 август …

Даре уз Янгиликлар – сӯнги Ӯзбекистон хабарлари