Исро кечаси хакида

Анас розияллоху анхудан ривоят килинади:

«Набий соллаллоху алайхи васалламга Исро кечасида эллик вакт намоз фарз килинди. Сунгра кискартирилиб, беш вактга келтирилди. Кейин эса:

«Эй Мухаммад, албатта, Менинг хузуримда гап узгартирилмайди. Албатта, сенга ушбу бештада элликтанинг (ажри) бор», деб нидо килинди».

Бешовларидан факат Абу Довуд ривоят килмаган.

Шарх: Исро кечаси хакида «Ал-Исро» сурасида баён этилади. Бу ходисани муфассал баён килинган хадиси шарифлар хам куп, хаммаси, иншааллох, уз урнида урганилади. Хозир эса маълумот учун кискача килиб, куйидагиларни билсак кифоя:

«Исро»нинг лугавий маъноси «кечаси сафар килиш»дир.

Шариатда эса «Аллох таолонинг амри ила Мухаммад соллаллоху алайхи васалламнинг кечаси Бурокка миниб, бир зумда Маккаи Мукаррамадан Байтул Макдисга сафар килишлари тушунилади.

Бу ходиса баъзи ханафий уламоларининг тахкик килишларича, хижратдан бир ярим йил олдин, Рамазон ойининг ун еттинчи куни содир булган.

Сунгра Пайгамбаримиз соллаллоху алайхи васаллам Байтул Макдисдан осмонга – Меърожга олиб чикилганлар. Уша ерда Аллох таоло билан сухбат булган. Кунига эллик вакт намоз фарз килинган. Мухаммад соллаллоху алайхи васаллам кайтаётганларида Мусо алайхиссаломга дуч келганлар ва у киши:

«Аллох сенинг умматингга нимани фарз килди?» деб сураганлар. У Зот:

«Эллик вакт намозни», деганлар.

Мусо алайхиссалом:

«Роббингга кайт. Умматинг бунга токат кила олмайди», деганлар.

Мухаммад соллаллоху алайхи васаллам Аллох таолонинг хузурига кайтиб, намозни камайтиришни сураганлар. Аллох таоло бир оз камайтирган.

Пайгамбаримиз соллаллоху алайхи васаллам Мусо алайхиссаломнинг олдиларига кайтганларида у киши яна олдинги гапларини айтганлар. Шундок килиб, Мухаммад соллаллоху алайхи васаллам бир неча бор бориб кайтганларидан сунг, Аллох таоло намозни беш вактга туширган ва:

«Эй Мухаммад, албатта, Менинг хузуримда суз узгартирилмас. Албатта, сенга мана шу бештада элликтанинг (ажри) бор», деган.

Мусо алайхиссалом яна кайтишни таклиф килганларида, Мухаммад соллаллоху алайхи васаллам:

«Роббимдан уяламан», деб кайтмаганлар.

Ушбу хадисдан олинадиган фойдалар:

1. Намознинг Аллох таоло томонидан фарз килингани.

2. Намоз Исро кечасида фарз килингани.

3. Намоз аввал эллик вакт фарз килиниб, кейин беш вактга туширилгани.

4. Аллох таолонинг хузуридаги суз узгартирилмаслиги.

5. Ислом умматига Аллох таоло мехр курсатиб, беш вакт намозига эллик вакт намознинг ажрини бериши.

6. Ислом осонлик дини экани. Аввал эллик вакт намоз фарз килиниб, кейин беш вактга кискартирилиши ана уша осонликни бандаларга эслатиб туриш учундир.

Демак, беш вакт намозни янада чин ихлос билан укимогимиз керак.