«Ишчи урни купайиш урнига камайиб кетмокда» — Маргилондаги тадбиркорлар муаммо ичида

Иктисодиётни баркарорлаштириш, экспорт хажмини ошириш максадида худудларда кичик саноат зоналари ташкил этилмокда. Давлат рахбарининг шу йил 21 июнь санасида кабул килган 4363-сонли карорида кичик саноат зоналари фаолиятини ривожлантириш хакида белгилаб куйилган.

Бирок ушбу мухим хужжат худудларда хам етарли даражада таъминланяптими? Сайт тахририятига айнан шу масала буйича Фаргона вилоятининг Маргилон шахрида ташкил этилган кичик саноат зонасида фаолият юритувчи бир гурух тадбиркорлар томонидан мурожаат келиб тушди.

Маргилонга бориб мурожаатчилар билан учрашдик.

Бу кичик саноат зонасида ривожланган давлатлардаги жахон стандартларини куйинг, бирламчи шароитлар хам йуклигига гувох булдик.

Ушбу худудда фаолият юритувчи тадбиркорлар холатни тушунтириб беришди.

Махсулотлар «брак» булиб кетмокда

Бахром Мирхужаев, «Синиорита» хусусий корхонаси рахбари:

– Биздаги энг асосий муаммо бу – электр масаласи. Кучланиш жуда паст. Тез-тез учиб туради. Биз хозир ахоли линиясида утирибмиз. Тендер вактида бизга газ, электр ва бошка коммунал хизматлар 100 фоиз булишини ваъда килишганди. Бунга ишониб узимизга вазифа олганмиз. Масалан, инвестиция киритиш, ишчи урни яратиш, курилишлар килиш каби вазифалар. Биз айтилган ишларни киляпмиз, лекин узига хос муаммолар бор. Биринчи навбатда электр муаммоси. Свет учади, иш тухтайди. Менинг корхонамда 120 киши ишлайди. Электр учса, ишсиз утиришади. Бу ерда сув хам муаммо. Узи 25 мм. улчамдаги трубада келади. Бу эхтиёжимиз учун етмайди. Бу битта хонадон учун етадиган меъёр. Бутун кичик саноат зонасига кичик трубада келади. 2018 йилда биз учун алохида линия тортилиши хакида ваъдалар беришган эди. Утган йили битишини айтишганди. 2019 йилнинг август ойи тугаяпти, ваъдалар бажарилишидан дарак йук. Буёкда махсулотларимиз сифатсиз булиб кетяпти. Масалан, биз аёллар пойабзалини ишлаб чикарамиз. Агар 100 жуфт махсулотни ускунада ишлаб чикараётган вактимизда электр учса, хаммаси «брак»ка чикиб кетади. Махсулот иссикдан чикиб, совукка, музлатгичга кириши керак.

Фойда оламан деб, зиёнга кириб кетяпмиз. Салкам бир ой электр кувват паст булгани учун, музлатгичимиз ишламади. Тахминан 3-4 минг жуфт махсулотимиз «брак» булиб кетди.

Иброхимжон Маматхонов, «BRIGHT SUN» хусусий корхонаси рахбари:

– Биз учун асосан газ муаммоси бор. Газ босими тушиб кетгани учун махсулот чикмайди. Каттарок босимда газ ёкмасак, катта талафот курамиз. Печларимизнинг гиштлари ёрилиб кетади. Босим бир хилда булиб турса, ойига 400-500 тонна силикат елим ишлаб чикарамиз. Бу махсулотга Тожикистон ва Киргизистондан хам талаб булмокда. Бир килограмм силикат елим нархи 2 доллар булади. Агар мунтазам ишлаб чикаришни йулга куйсам, ойига 80 минг долларлик махсулот экспорт киламан. Электр учса, хаво хайдайдиган, сув хайдайдиган моторларимизнинг хаммаси учади. Электр ёнганидан сунг уни кайта ишга туширишга 5-6 соат вакт кетади. Махсулот якка-якка колипли чикарилмайди. Тухтамай ишлаб туриши керак. Мен хали бу ишни янада кенгайтириб, икки баробар купрок махсулот ишлаб чикармокчи эдим. Тендерда хам шуни айтганман. Биздан келиб тинмай талаб килишади. Шароит булмаса, каердан киламан. Коммуникация тизими билан овора булиб, качон ривожланамиз? Олдин президент карори буйича шароитни яхшилаб беришсин, кейин талаб килишса, биз хам харакатимизни киламиз. Мурожаат килсак, килиб берамиз, дейишади. Качон булади, энди унисини билмаяпмиз.

Давлат Корабоев, «M-Interyer» мебель ишлаб чикариш корхонаси рахбари:

– Биз мебель ва MDF эшиклар ишлаб чикарамиз. Иш давомида ток учиб колмаслиги керак. Махсус ускуналаримизнинг ичида елими булади. Ток учиб ишларимиз тухтаб коляпти. Агар электр умуман учмаса, бир кунда икки комплект мебель ишлаб чикара оламиз. Хозир тез-тез учиб тургани сабабли ишлаб чикараётган эшикларимиз сифатсиз булиб кетмокда. Уларнинг талабларини бажариш учун шароитлар етарли эмас.

Зухриддин Обиджонов, «FABIAN UNIVERSAL» хусусий корхонаси рахбари:

– Биз чарм пойабзаллар ишлаб чикарамиз. 60та ишчи урни яратгандик. Коммуникация муаммолари сабабли ишлаб чикаришимиз яхши ахволда эмас. 60 нафар ишчимдан 35 нафари колди. Электр токи йук булса, иш тухтайди. Ишчиларга кунбай берилгани сабабли иш булмай кетиб колишмокда. Кичик саноат зонасининг дирекцияси Фаргонага утган экан. Улар хам келиб 60 нафар ишчи урнини талаб килишмокда. Махсулотимизни эски деб айтишмокда. Аслида ишлаб чикараётган махсулотларимиз электр йуклиги сабабли «брак» булиб кетмокда. Уларга муаммоларимизни айтдик. Коммуникация, чикинди кутилари масаласини хал килиб беришларини сурадик. Ахволни куриб турибсизлар. Ишчи урни купайиш урнига камайиб кетмокда. Махсулот ишлаб чикариш хажмини 100 мингдан 200 минг жуфтга, ишчилар сонини 60 нафардан 100-150 нафарга чикаришни режалаштиргандик. Хозир бир ойда 10 минг жуфт махсулот чикса чикяпти ёки шуям йук. Биз экспорт шартномалари имзолаганмиз. Унинг муддатлари бор. Биз шунга риоя кила олмаяпмиз. Муддатидан кечиктирилгани сабаб янги шартномалар тузилмаяпти.

Мурожаатлар килинганми?

Бахром Мирхужаев, «Синиорита» хусусий корхонаси рахбари:

– Якинда Бош прокуратурага мурожаат килдик. Улар келиб узимизни югуртиришмокда. Биз газ-свет учун югурайликми ёки тадбиркорлик билан шугулланайликми? Бу ерда тадбиркорлик колиб кетяпти. Кечаги куни вилоят хокими ишчи гурухи келди. «Экспорт килинглар, экспорт килинглар» дейишяпти. Биз кандай экспорт киламиз? Коммуникация булса, кейин экспорт киламизда. Шартнома тузиб олсак, электр токи, газ, сув булмаса, махсулотимиз сифатсиз чикса, ишончни йукотамизку? Кайтиб биз билан шартнома килишмайдику?

Дирекция рахбарияти билан кунгироклашиш

Холатни аниклаштириш максадида иккинчи тараф саналмиш Фаргона вилоят хокимлиги хузуридаги кичик саноат зоналари Дирекцияси рахбари Шокиржон Ахмедов билан кунгироклашдик.

«Хозирча уларнинг газ, свет ва сувлари бор. Ахоли линиясида утиришгани рост. Бизга узи якинда утишди. Вилоят буйича 15та кичик саноaт зонаси бирлаштирилди. Президентимизнинг 4363-сонли карори билан бизнинг дирекция ташкил этилди. Уларнинг хар биттасини балансимизга олдик. Энди уларнинг коммуникациясини канча масофадан газ, свет, сув тортиб келишларини хисоблаб Иктисодиёт ва саноат вазирлигига топширдик. Бу масалада президентимиз видеоселекторда хам топширик берган. Хамма кичик саноат зоналарига алохида линиялар тортилади. Мен уларнинг хам хар бири билан гаплашиб чикканман. Экспортга чикарувчи корхоналар ва электр токи булмаса зарар етадиган ускуналари борлиги хакида билмайман. Сув масаласини оладиган булсак, биз ташки коммуникациясини ташкил килганмиз. Буни яна ривожлантирамиз. Ичкарида узларига башня урнатилиши керак», дейди масъул шахс.

Дирекция вакили бу ишлар качонга мулжалланганини аник айтмади. Масала буйича ишлар дирекция даражасида килингани ва энди буёги вазирликка боглик эканлиги айтилди.

Шуниси аникки, бу ишларни имкон кадар тезрок килиш керак. Хат-хужжатлаштириш ишлари мана шундай холатларда оёкдан олиб тураверса, тайёр экспортдаги хамкорларни тушда курамиз.

Мухбир – Баходир Ахмедов
Тасвирчи – Нуриддин Нурсаидов