Хонгконгда жамоат жойларида 2 кишидан купрок булиб йигилиш такикланади 

Фото: Tyrone Siu / Reuters

South China Morning Post нашрининг хабар беришича, 2 декабрдан барча савдо-кунгилочар марказлари, кунгилочар боглар, караоке ва бассейнлар ёпилади. Спортзаллар ва гузаллик салонлари очик колади, бирок улар 2 кишидан купрок булиб йигилмаслик коидаларига амал килиши керак булади. Шундай чекловлар ресторанлар учун хам амал килади ва улар соат 22гача ишлайди.

Ушбу коидалар бузилгудек булса, 2 минг Хонгконг долларигача (250 доллар) микдорда жарима солинади.

Таъкидланишича, Хонгконг маъмуриятининг бундай катъий чекловлар кабул килишига коронавируснинг яна авж олиши сабаб хисобланади. Сунгги суткада шахарда 76та янги касалланиш холати аникланган.

“Ракамлар душанба куни (30 ноябрда) бироз камайди, бирок одамлар эпидемиянинг чуккисидан утдик, деб янглиш хулосага келмасликларини истайман”, деб айтган Хонгконг рахбари. У, шунингдек, шахардаги 177 мингдан купрокни ташкил килувчи давлат хизматчиларининг аксарияти масофадан ишлашга утказилишини маълум килган.

Охирги маълумотларга кура, Хонгконгда касалланиш холатлари сони 6,3 мингдан купрокни ташкил килмокда, улардан 109таси улим билан тугаган.