Гондураснинг собик биринчи хоними 58 йиллик камок жазоси олди

Гондурас суди собик президент Порфирио Лобонинг рафикаси Роса Элена Бонильяни 58 йиллик камок жазосига хукм килди. Бу хакда Reuters ахборот агентлиги хабар берди.

Таъкидланишича, собик биринчи хоним маблагларни ноконуний узлаштириш ва фирибгарлик жиноятлари учун шундай каттиккуллик билан жазоланган. 52 ёшли Бонильянинг адвокати мижози айбдормаслигини ва хукм устидан олий судга шикоят килинишини маълум килган.

Суд аёлни 8 та фирибгарлик ва 3 та маблагни узлаштириш холатида айбдор деб топган. Унга берилиши мумкин булган жазо муддати 87 йилни ташкил килиши мумкин эди.

Бонилья узлаштирилган мулкнинг кийматини тулик хажмда ва яна 10 фоиз микдорида жарима тулаб бериши керак. Унинг мол-мулки мусодара килинади.

Аёл уз турмуш уртогининг президентлик муддати якунланишига 4 кун колганда уз хисобракамига 12 млн Гондурас лемпири (510 минг доллар) утказганлиги аникланган. Шунингдек, собик биринчи хоним 2011 йилдан 2015 йилгача сохта шахслар хисобракамига умумий киймати 3 млн 845минг долларлик 70 та чек ёзиб берган.

Бундан ташкари, у фирибгарлик йули билан ижтимоий эхтиёжларга ажратилган давлат маблагларидан 16 млн лемпир (650 млн доллар) узлаштирган.

Аёл 2018 йил февралда ушланган. Унинг турмуш уртоги Гондурасни 2010 йилдан 2014 йилгача бошкарган.