
Эрон хукумати Ислом инкилоби мухофизлари корпусининг «Ал-Кудс» махсус булинмаси кумондони, генерал Косим Сулаймонийнинг улимига алокадор 48 кишидан иборат руйхатни тузди. Бу хакда Mehr News нашри уз манбасига таяниб хабар берди.
Инсон хукуклари буйича кенгаш рахбари Али Багирий Канийнинг сузларига кура, Эрон хукумати Сулаймонийнинг улдирилишига алокадор 48 кишининг шахсини аниклашга муваффак булган ва уларни жавобгарликка тортиш буйича чоралар курилган. Хусусан, Техрон генерални йук килиш буйича операцияга у ёки бу даражада жалб этилган мамлакатлардан маълумот такдим этишни талаб килган.
Амалдорнинг айтишича, Эрон хукумати ана шундай мурожаат билан чиккан охирги мамлакат Германия булган.
«Биз Германиядаги АКШ авиабазаси Сулаймонийни улдиришда фойдаланилган дронлар уртасида маълумот алмашишда катнашганлиги тугрисида ахборот олдик», — деди Каний.
Косим Сулаймоний шу йил 3 январда Багдод аэропорти якинида АКШ дрони зарбаси натижасида улдирилганди. У билан бирга 4 нафар эронлик харбий ва Ирок армиясининг 5 вакили халок булган.