Дарё уз Янгиликлар Узбекистон Сунги Хабарлар
Поп туманига Андижон томондан йулингиз тушса, Олтинкул, Баликчи, Улугнор сунг Наманганнинг Мингбулок, Уйчи, Туракургон ва Чуст туманларини босиб утасиз. Тог ва адирликлар уртасидаги Гурумсаройдан сунг Поп шахарчаси куринади.
Юкорида санаб утган жой номларини бежиз келтирмадик. Чунки, куп эшитилган номлар эди-да… Куриб, танишиб утдик. Гавжум, харкалай одамлар учун хаминкадар шароитлар мавжуд масканлар.
Бирок, Поп тумани марказидан бор-йуги 10 километр масофадаги Янгиер кишлогига борганимизда, бизни кутиб турган юзи асабий кишиларни курдик. Билсак, бу кишлок ахли юртда олиб борилаётган барча ислохотлару-лойихалардан бебахра колибди.
Бу кишлокка охирги йигирма йил бирор мутасадди оёк босмагандек.
Янгиерликлар жуда тулиб туришган экан. Улар биз шунчаки мухбир эканлигимизни унутишди чоги, «Нега ундай, нега бундай?», дея саволга тутиб ташладилар.
Видео: Youtube
Видео: Mover (tas-ix)
«Узинг учун…»
Шу ерлик фермер хужалиги вакили бизни кишлокдаги бор камчиликларни куриш учун айлантиргани олиб чикди. Унинг икки шериги йул-йулакай кишлокда сув, электр таъминотидаги камчиликларни тушунтиришар эди. Янгиерликлар ихтирочи булиб кетишибди. Улар кучаларга электр тармогини оддий калтак ёки кичик новдадан симёгоч ясаб утказса булишини исботлашган. Наманган вилоят ва Поп туман электр тармоклари хали бу манзилга келишни уйлаб курмаган булса керак. Йулларнику гапиришга хожат йук.
Махалла кишилари бизни ахоли томонидан ичимлик суви кудуги казиш учун харакат килинган майдонга олиб боришди. Кишлокнинг хар бир оиласи киши бошига 27 минг сумдан пул йигиб, кишлокнинг бир жойидан сув кудуги кавлашибди. Хокимиятга килинган унлаб мурожаатлар наф бермагач, ахоли узи уринмай, нима килсин?!
Кукондан усталар ёлланиб, ун кун давомида 200 метр чукурликдан тоза ичимлик суви чиккан. Хамма хурсанд. Аммо, афсуски чукурликдаги сувни тортувчи насос электр энергияси куввати камлиги учун ишламаган. Хамманинг «пакири кулидан тушиб» кайтиб кетибди.
«Мен, Мадалиев Жумавой, 51 ёшга кирдим. Эсимни таниганимдан бери махалламизда ичимлик суви булмаган. Бир пайтлар сув минорамиз булар эди. Уни хам «Сувокова» ташкилоти каергадир олиб кетди. Кишлокдаги оилалардан жон бошига 27 минг сумдан пул йигиб, кудук кавлатсак ток етмай бу хам чикмай турибди. Куриб турганингиздек, электр тармоклари хабар олмай куйганига хам узок вакт булгани учун, тармогимиз хам чаток. Лампочкаларимиз ток кучи озлигидан лимонга ухшаб саргайиб туради. Вилоят ва туман хокимлигига мурожаат килавериб кийналиб кетдик. Бизнинг кишлокни хам уйладиган мутасадди бормикин?», дейди ахоли вакилларидан бири.
Ишламай турган «умид кудуги»дан кетиб, махалла томон юрдик.
Бизни махалланинг асосий муаммолари кутиб турар эди.
Ахоли дарди: «Махаллада жигар циррози эпидемияси таркаган. Сабаби аник»
30 нафардан зиёд киши махалланинг «уч кучаси»да сув келишига йул караб турган экан (махаллада гузар хам йук). Уларнинг дарди, хасратлари бир олам эди. Узимиз билан Поп тумани хокимлиги мутасаддиларидан бирини таклиф килиб олиб келмаганимизга афсусландик.
Энгашиб, арикдаги лойка сувни ичаётган болакайларни куриб рахмингиз келади.
«Муаммоларимиз калашиб ётибди. Ичимлик суви масаласи биринчи уринда. Мактабга катнайдиган болаларимизнинг хар бирининг ёнида «баклажка»си бор. Бу – сув идиши. Неча йиллардан бери ёзмаган жойимиз колмади. Ювиниш энг катта муаммо. Арикнинг ифлос суви туфайли махалладан юкумли касалликлар аримай колган. Болалар уртасида сувчечакка чалинганлар жудаям куп, кизамик, терлама ва бошка ички юкумли касалликлар эпидемия даражасида. Энг ёмони, ахоли уртасида оккон ва жигар циррози каби бедаво касалликлар купайган. Бизнинг охимизни хам кимдир эшитармикан?», дейди Рохила опа Бойкузиева.
Тупланганлар бири олиб, бири куйиб, махаллада «чипкон»дек купайган «яра»ларни айтиб бера бошлашди.
Жумавой ота муаммолар юзасидан жуда куп жойларга мурожаат килиб чарчаган экан.
«Мен бола булган вактларда хам махалламиз ахли сувни эшак аравада ташиб ичарди. Карангки, неча йиллар утса хам узгариш булмади. Махаллада гепатит юкумли касалликларининг барча туридан бор. Узимнинг углим хам жигар циррозига чалинди. Унинг уч-турт тенгкури мана шу касаллик билан огриб вафот этиб кетди. Нахотки, келажак авлод хам худди биз сингари сувга зор булиб, бошка кулайликларни курмай яшайди?
Бош урмаган ташкилотимиз колмади. Юкорига килган мурожаатларимиз айланиб яна туманга келиб, кумга синггандек йук булиб кетяпти. Ичимлик сувини кавлаб чикариш мумкин булган жаннатмакон жойда мана шу холда яшайверамизми?», дейди у.
Махаллада жами 3491 киши истикомат килади. Хонадонлар сони 785та. 7 ёшгача булган болалар сони 488 нафар экан. Кишлокда богча йук. Узбекистонда мактабгача таълим сохасига берилаётган эътибор бу жойларга хали етиб келмабди. Болалар тарбия оладиган маскан куриш хеч кимнинг хаёлида йук. Ток кучи пастлигидан кечаси хира нур таратадиган лампочкаларда дарс тайёрлаб хам булмайди.
Куча тула болаларни курдик. Оналар кушни кишлок богчасига болаларни олиб боришнинг иложи йуклигини айтишди. Кушни кишлок богчасида ошикча жойнинг узи йук экан.
Янгиерда гузар, сартарошхона, косибхона, устахона, чойхона деган сузларни эшитишган. Факат эшитишган.
Бир пайт сигнал чалиниб сув ташийдиган машина келиб колди. Хамма уша томонга югурди. Жажжи болачаларнинг хам бир кулида челак, бир кулида пул…
Хокимлар маколангизни курадими?
«Махаллада иш урни, ахоли учун шароит яратиш керак. Мен хам тинимсиз мурожаат килиш билан овораман. Самара йук», дейди МФЙ раиси Турсунали Суннатов.
Нахотки, вилоят, туман хокимликлари, сектор рахбарлари яна купдан-куп тузиладиган ишчи гурухлар Янгиер кишлогига одамлар дардини тинглаш учун келмаган булса?
Ахоли вакиллари ишчи гурухлар кадам ранжида килганини айтишди. Факат улар келиб, «уз ёндафтари ва ручкасинини овора килиб кетишган».
«Узи хокимлар сиз тайёрлаган макола ва курсатувни курадими?», дейди биз билан сухбатда онахонлардан бири.
Хурматли Наманган вилояти ва Поп тумани мутасаддилари! Илтимос, Янгиер кишлогига бориб, шароитни урганинг. Ахоли сизларни кутяпти…
