Ассаламу алайкум ва рахматуллохи ва барокатух

Пайгамбаримиз соллаллоху алайхи васалламдан: «Кайси амал энг яхши амал?»– деб суралганида, У Зот:«Таниган ва танимаган одамингга таом ва салом бермогингдир», дедилар. Инсонларнинг бир-бирларига салом беришлари уларнинг канчалик одобу ахлокга эга эканлиларига далолат килувчи гузал амаллардан биридир.

Пайгамбаримиз соллаллоху алайхи васаллам шундай гузал ахлок сохиби эдиларки, уз умматларига то киёматгача чиройли амаллар килишлик таълимини бериб кетдилар. Бу амалларни килишлик билан Пайгамбаримизнинг мухаббатларига, охиратда шафоатларига мушарраф буламиз, иншааллох. Булардан энг машхурлари инсонларнинг узаро салом беришларидир.

Пайгамбаримиз соллаллоху алайхи васаллам, ораларингизда саломни ёйинглар, дейишлик билан бирга узлари бу амалда намуна булдилар. Хаттоки ёш болаларга хам биринчи булиб салом берардилар. Анас розияллоху анхудан ривоят килинади:«Расулуллох соллаллоху алайхи васаллам бизнинг олдимизга етиб келдилар. Мен ёш болалар ичида турган бир бола эдим. Бас, у Зот бизга салом бердилар.Сунгра менинг кулимдан ёки кулогимдан ушлаб туриб бир иш билан юбордилар. Узлари эса, мен хузурларига кайтиб келгунимча, девор соясида ёки деворга суяниб утириб турдилар.

Бизнинг давримизга келиб саломлашиш камайиб кетмокда. Одамлар факат узларига таниш инсонларни кургандагина салом берадиган булиб колишган. Агар икки киши гаплашиб туришса, шулардан бири таниш киши булса, ушанга салом беришади. Ёнидаги одам  эса колиб кетаверади. Бу каби хос саломларнинг купайиб кетаётганлигига сабаб саломга  таргибнинг камайиб кетаётганлиги хамда Гарбга таклиднинг кучайиб кетаётганлигидир.

Замонамизда саломни  кискартириб, бузиб талаффуз килишликни маданият деб уйлайдиган «маданиятлилар» купаймокда. Аллох таоло:«Качонки сизга бир саломлашиш ила салом берилса, сиз ундан кура яхширок алик олинг ёхуд худди узидек жавоб беринг. Албатта, Аллох хар бир нарсанинг хисобини олувчи Зотдир», деган. (Нисо, 86)

Азиз диндош опа-сингилларим! Сиз бу суннатни тирилтиринг. Пайгамбаримиз соллаллоху алайхи васаллам йуколиб бораётган суннатни халк ичида барпо килган инсонларга жаннат кафолатини берганлар. Жаннатга киришни хохлайсизми? Унда шошилинг! Фарзандларингизга гузал салом беришни ургатинг.  Кучада курган кишингизга салом беринг. Шундай салом берингки, бу салом сизнинг Аллохга ва унинг Расулига мухаббатингиз  канчалик  кучлилигини билдириб турсин. Аллох ва унинг Расулига мухаббат жаннат билан мукофотлангай. Аллохнинг жаннати кандай гузал макон!!!