Узбек киносининг ёш вакилларидан бири, актриса Гавхар Шарипова 18 ноябрь куни Кашкадарё вилоятида юз берган автохалокат натижасида вафот этди.
“Узбеккино” хабар беришича, айни пайтда хукук-тартибот идоралари томонидан ходиса тафсилотлари урганилмокда.
Гавхар Шарипова 1980 йилда Навоий шахрида тугилган. 2001 йилда Тошкент Давлат санъат институти (хозирги Узбекистон Давлат санъат ва маданият институти)ни драма-театр ва кино актёрлиги йуналиши буйича тамомлаган. Узбек Миллий академик драма театрида фаолият курсатган. Г.Лессингнинг “Донишманд Натан” спектаклида Реха ролини махорат билан ижро этган.
Гавхар узбек киносида хам узининг бир катор такрорланмас образлари билан томошабинлар ёдида колди. “Алпомиш” (2001) фильмида Калдиргоч, “Алданган аёл” (2011) фильмида Мастура, “Опа-сингиллар” (2010) телесериалида Нафиса сингари кахрамонларни гавдалантирди. У катор фильмларга овоз бериб, дубляж санъатида хам уз имкониятларини намоён этди.
У нафакат актриса, балки шоира хам булиб, шеърлар ёзган, унинг шеърлари бир неча хонандалар томонидан кушик килиб куйланган.
Kun.uz мархуманинг якинларига таъзия билдиради.