Главная / Жамият / Абитуриент-2019: Кабул жараёнига оид саволларга жавоблар

Абитуриент-2019: Кабул жараёнига оид саволларга жавоблар

15 июнь куни Узбекистон Республикаси Президенти Администрацияси хузуридаги Ахборот ва оммавий коммуникациялар агентлигида Олий ва урта махсус таълим вазири Иномжон Мажидов, Давлат тест маркази директори Мажид Каримов хамда Таълим сифатини назорат килиш инспекцияси бошлигининг биринчи уринбосари Хотамжон Кетмонов иштирокида 2019/2020 укув йилига багишланган матбуот анжумани булиб утди.

f5xh-xkibc60l1ihqhs9na35y2wfflzq

Хукукшунос Хушнуд Худайбердиев телеграмдаги каналида бу йил укишга хужжат топшираётган абитуриентларни кизиктирган саволларга жавобларни такдим этди.

Кабул куйидаги 3та жойда булади:
Давлат хизматлари маркази (ДХМ) оркали — 5та ОТМ (ТДЮУ, КДУ, ФарДУ, СамДУ, ГулДУ);
My.gov.uz оркали — юкоридаги 5та ОТМ;
ОТМларнинг узида — колган ОТМлар учун.

Энди абитуриент хужжат топширмайди, балки оригинал хужжатларини курсатиб, руйхатдан утади ва узи билан кайтариб олиб кетади;

Руйхатдан утиш учун куйидагилар керак:

  1. Паспорт (у йук булса, ёки 09-форма, ёки тугилганлик гувохномаси);
  2. Диплом ёки шаходатнома (иловаси билан);
  3. Мабодо имтиёзи булса, уни тасдикловчи хужжат.

ОТМлар оркали руйхатдан утганда хам худди шу хужжатлар талаб этилади, аввалги йиллардагидек расм, папка, 086-маълумотнома шарт эмас;

ДХМ ва портал оркали руйхатдан утиладиган 5та ОТМнинг тартиби куйдагича:

  • ушбу 5та ОТМ факат биринчи ОТМ сифатида танланаётгандагина ДХМга (портал) бориш керак. Масалан, абитуриент 1-ФарДУ; 2-ТДТУ; 3-ФарПИ кетма-кетлигида топширмокчи булса, ДХМларга боради;
  • агар ушбу 5та ОТМ 2 ёки 3-ОТМ сифатида танланаётган булса, унда ДХМларга эмас, балки ОТМларга бориш керак. Масалан: 1- ТДТУ; 2-ФарДУ; 3-ФарПИ.
  • бундан ташкари, абитуриентларга енгиллик бериш максадида, Юридик университетдан ташкари колган 4та ОТМнинг узида хам ДХМдаги каби кабуллар булади. Яъни масалан, ГулДУни 1-ОТМ сифатида танламокчи булганлар, хохласа ДХМга, хохласа ГулДУнинг узига бориши мумкин. Худди шу тартиб ФарДУ, СамДУ, КДУ учун хам амал килади.

ОТМлардаги кабуллар тартиби куйидагича:

  • исталган ОТМ оркали бошка жойларга хужжат топшириш мумкин. Бунинг учун айнан уша ОТМнинг узига бориш шарт эмас. Масалан, бухоролик абитуриент БухДУга бориб Тошкентдаги 3та ОТМга: 1) ТТА; 2) Педиатрия; 3) Фармацевтика куринишида хужжат топшира олади.
  • Ёки сурхондарёлик абитуриент ТерДУга бориб 1) КарДУ 2) СамДУ 3) УзМУ куринишида топшира олади. Факат битта жойи – мабодо СамДУ 1-ОТМ булса, унда юкорида айтганимиздек ёки тумандаги ДХМга ёки СамДУнинг узига бориш керак;

«Ёдингизда булса, анча олдин магистратурага факат турдош мутахассисликлар буйича бакалавр дипломига эгалар хужжат топширишга оид чекловни бекор килиш режалаштирилаётгани хакида ёзгандим. Буни мутасаддилар хам тасдиклади, жорий йилдан ушбу тартиб амал килади.

Туловлар микдори куйидагича:

  • жорий йилда битирганлар – текин;
  • утган йилларда битирганлар – 101 365 сум.

Бошка хеч кандай тулов йук», дейилади постда.

Хушнуд Худайбердиев абитуриент тестни каерда топшириши хакидаги саволга хам аниклик киритган.

«Бу йил абитуриентлар республиканинг исталган худудида хужжат топшириб, бошка худудда тест имтихонидан утиши мумкин. Факат улар руйхатга олинаётганида каерда тест топширмокчилигини курсатиши керак». Матбуот анжуманида мутасаддилар абитуриентлар тестни кайси худудда топширишлари хакидаги саволга шундай жавоб кайтаришган.

«Бундан хулоса шуки, масалан, коракалпогистонлик абитуриент Тошкентдаги 3та ОТМга хужжат топширди, дейлик. Лекин аризасида тестни Коракалпогистонда топшираман дея белгилади. Демак, у Тошкентга бориши шарт эмас, тестни Нукусда топширади. Качонки укишга кирган такдирдагина, кейин Тошкентга келади.

Тушунишим буйича, тест топширадиган жойи айнан ОТМ жойлашган ёки узи яшайдиган худуд булиши шарт эмас. Масалан, навоийлик абитуриент Бухородаги 3та ОТМни танлади. Лекин у тестлар утадиган вактда оилавий сабабларга кура, Навоийда эмас, Самаркандда булади дейлик. Бундай пайтда у хужжат топшираётганда аризасида тестни Самаркандда топширишни белгилайди.

Хулоса: навоийлик абитуриент Бухородаги ОТМларга хужжат топшириб, Самаркандда тестга кирса булади.

Умуман олганда бу жуда ажойиб тартиб. Куплаб оворагарчилик ва ортикча харажатларнинг олди олинади. Факат биргина жихати, бундай тизимда каттиккуллик хамма жойда бир хил булиши керак. Йукса, катта-катта жиноий гурухлар атайин уз «мижозлари»ни чеккарок худудларда тестга киритиб, уйин килишга уриниб куришлари эхтимолдан холи эмас.

Шунингдек, бу масалада яна бошка бир тушунмовчилик хам бор ва кеча шу хакида хам савол бердим.

Яъни 07.06.2019 йили Вазирлар Махкамасининг 468-сонли карори билан тасдикланган регламентнинг 4-бандида куйидагича коида белгиланган:

«Абитуриентлар Марказга мурожаат этган худудда (Ягона портал оркали мурожаат этганда доимий руйхатда турган худудида) ташкил этиладиган тест синовларида иштирок этишлари мумкин».

Регламентнинг ушбу банди ДТМ рахбари айтган тизимга бироз тугри келмайди. Боз устига Регламентнинг 2-иловаси билан тасдикланган суровномада хам тест топшириш худудини танлаш деган савол мавжуд эмас.

Регламентдаги бу банд хакида эшитиб ДТМ директори хам, Олий ва урта махсус таълими вазири хам хайрон булди. Лекин шундай булса-да, Мажид Каримов ишонч билан айтдики, абитуриент узи истаган худудда тест топшира олади, бунинг учун хужжат топширишда махсус танланадиган банд хам булади. Регламентга келсак, уни Давлат хизматлари агентлиги ишлаб чиккани сабабли, нима учун бу нарса инобатга олинмаганига бирор изох бера олмаслигини айтди.

Майли, хужжатда канака ёзилганидан катъи назар, амалда абитуриентлар учун узи истаган жойда тестга кириш хукуки кафолатланади. Исботи сифатида пастдаги суратга каранг, Ягона портал оркали руйхатдан утишда тест топширадиган худудни белгилайдиган алохида банд мавжуд.

ЭСЛАТМА: тагин абитуриентлар «исталган жойда тест топширишим мумкин экан» деб, тест куни узи хохлаган жойга бориб утирмасин, худуд олдиндан белгиланади. Руйхатдан утаётганда тест топшириш жойини етти улчаб бир кесган холда танлаш керак, чунки худудни кейинчалик узгартириб булмайди. Масалан, хужжат топшираётганда Тошкентни танлаб, кейин тест куни Андижонга бориш бефойда», дея ёзади блогер.

Check Also

laktoza

Лактоза интолеранси нима, уни кандай аниклаш мумкин?

Табиатда сутда юкори микдорда булган ва сут шакари сифатида танилган лактоза енергия манбаи хисобланади. Лактоза …

Даре уз Янгиликлар – сӯнги Ӯзбекистон хабарлари