Главные новости
Главная / Сиёсат / Ўзбекистон Жаҳон банки ва Халқаро валюта жамғармасидан молиявий назорат тизимини ислоҳ қилишда ёрдам сўраган – Тимур Ишметов
Место рекламы

Ўзбекистон Жаҳон банки ва Халқаро валюта жамғармасидан молиявий назорат тизимини ислоҳ қилишда ёрдам сўраган – Тимур Ишметов

Молия вазири Тимур Ишметовнинг айтишича, Ўзбекистон Жаҳон банки ва Халқаро валюта жамғармасидан молиявий назорат тизимини ислоҳ қилишда ёрдам сўраган. Айни пайтда бирламчи ишлар бошланган.

Фото: Олий Мажлис

У бу ҳақда Олий Мажлис Қонунчилик палатасида давлат бюджетининг ва давлат мақсадли жамғармалари бюджетларининг 2019 йилдаги ижроси тўғрисидаги ҳисобот муҳокамаси чоғида маълум қилди.

“Ҳозирги пайтда Жаҳон банки ва Халқаро валюта жамғармасидан Ўзбекистондаги молиявий назорат тизимини ислоҳ қилишда ёрдам беришини илтимос қилганмиз. Айни пайтда техник кўмак кўрсатилиб, бирламчи ишлар бошланди. Қисқа муддатларда давлат молиясини назорат қилиш тизимини тубдан ислоҳ қилиш концепцияси ишлаб чиқилади.

Унга кўра авваламбор ҳар битта вазирликда бундан буёғига ички аудит департаменти фаолиятини қайта кўриб чиқилади. Бунинг учун молия вазирлиги қошида айнан ички аудит департаментларининг методологиясини ишлаб чиқиш, уларга ёрдам бериш, шу фаолиятни қандай тўғри ташкил этиш бўйича молия вазирлигида методология департаменти ташкил этилади. Уларга ўргатмасдан туриб янги ташкил этилган бўлимларнинг тўғри ишлашини таъминлаш қийин”, дея Тимур Ишметовнинг сўзларини келтирмоқда Kun.uz мухбири.

Молия вазирининг таъкидлашича, вазирлик қошидаги молиявий назорат департаментининг фаолияти ҳам қайта кўриб чиқилиши кутилмоқда.

Место для рекламы.

Ҳаққимизда Akbar

Check Also

o1972qf8_xtglnfjd4ym1pmsxaufx8st

Самарқанд шаҳрида карантин вақтида ҳам тунги клублар ишлаётгани маълум бўлди

Коронавирус тарқалишининг олдини олиш мақсадида жорий қилинган карантинга қарамай, Самарқанд шаҳридаги тунги клублар ўз фаолиятини …

Даре уз Янгиликлар – сӯнги Ӯзбекистон хабарлари