Главные новости
Главная / Жамият / Яйра Абдуллаева оламдан ўтди
Место рекламы

Яйра Абдуллаева оламдан ўтди

Ўзбекистон халқ артисти Яйра Абдуллаева 89 ёшида вафот этди. Бу ҳақда Kun.uz манбаси хабар қилди.

Манба хабарига кўра, актриса Тиббиёт бош бошқармасига қарашли 1-марказий клиник шифохонасининг жонлантириш бўлимида ҳаётдан кўз юмган.

o3bdo6oajaos_54gwulycbcd4qomzufm

Яйра Абдуллаева 1930 йил 14 августда Тошкент шаҳрида туғилган. 1950 йилда А. Островский номидаги Тошкент театр ва рассомлик санъати институтини тугатган.

Актриса ҳаёти давомида юздан ортиқ турли-туман роль ижро этиб, ўз устида тинмай ишлаган забардаст ижодкор сифатида халқ меҳрига сазовор бўлди. У саҳнадаги фаолияти билан бир қаторда кино, телевидение ва радиода ҳам бетакрор роллар ижро этди. Жумладан, “Бой ила хизматчи”да Гулбаҳор, “Стадионда учрашамиз”да Раъно, “Опа-сингил Раҳмоновалар”да Дилдор, “Ҳамза”да Саодат ҳамда биринчи ўзбек телефильми “Азизахон”да Азизахон, “Зайнаб ва Омон”да Зайнаб, “Еттинчи ўқ”да Хоним каби роллари кино санъатимиз ютуқларидан бўлди.

Республика радиосидаги “Театр микрофон олдида”, “Бир актёр театри” каби эшиттиришларда фаол қатнашган актриса қатор радиоспектаклларда ҳам роллар ижро этган.

Яйра Абдуллаеванинг сермазмун ва самарали ижодий фаолияти давлат томонидан “Ўзбекистон халқ артисти” (1964) унвони, Давлат мукофоти, “Дўстлик”, “Эл-юрт ҳурмати” орденлари билан муносиб тақдирланган.

Kun.uz таҳририяти марҳуманинг оила аъзолари ва яқинларига чуқур ҳамдардлик изҳор этади.

Место для рекламы.

Ҳаққимизда Akbar

Check Also

cw_e3vl5fa5gdjaa8t3bmq22kjypkyqh

Ўзбекистон доривор моддаларни рўйхатдан ўтказишга қўйиладиган талабларни соддалаштиради

Ўзбекистонда доривор моддаларни рўйхатдан ўтказишга қўйиладиган талаблар соддалаштирилади. Фото: 123RF Бу ҳақда 2020-2024 йилларда Ўзбекистон …

Даре уз Янгиликлар – сӯнги Ӯзбекистон хабарлари