Xiaomi Mi Max 3 смартфони тасвирлари ва хусусиятлари пайдо бўлди (сурат)

Интернетда Xiaomi Mi Max 3 фаблетининг бир нечта тасвирлари пайдо бўлди, бундан ташқари, TENAA комиссияси қурилма хусусиятларининг тўлиқ тўпламини эълон қилди, деб ёзади Hi-Tech Mail.Ru

Mi Max 2 дан фарқли равишда, унда Home тугмаси, шунингдек, навигация тугмалари бўлмайди, аммо у қўш модулли асосий камера ва унинг пастида жойлашадиган бармоқ изи сканерига эга бўлади.

Xiaomi Mi Max 3 6,99 дюймли ва 2160×1080 пикселли Full HD+ дисплейи, 12 ва 8 мегапикселли қўш камера, 8 мегапикселли олд камера, 5400 мА/соат сиғимли батарея, тезкор қувват олиш функцияси билан жиҳозланган. Қурилма Android 8.1 Oreo асосидаги MIUI операцион тизимида ишлайди.

Айни пайтда Xiaomi Mi Max 3 тақдим этиладиган сана ҳақида расмий маълумот йўқ. Аммо Mi Max 2 ўтган йилнинг майида тақдим этилганини ҳисобга олсак, учинчи авлод смартфони яқин орада намойиш этилиши мумкин.