Главные новости
Главная / Жамият / Халқ таълими вазирлиги: Вазирлик босма нашрларга қарши эмас, аммо тизимда мажбурий обунага йўл қўйилмайди
Место рекламы

Халқ таълими вазирлиги: Вазирлик босма нашрларга қарши эмас, аммо тизимда мажбурий обунага йўл қўйилмайди

Ўзбекистон Республикаси Халқ таълими вазирлиги томонидан «Халқ таълими тизимидаги оммавий ахборот воситалари ролини янада ошириш тўғрисида» Ўзбекистон Республикаси Вазирлар Маҳкамаси қарори лойиҳаси тайёрланди ва муҳокама учун омма эътиборига ҳавола этилди. Ҳужжат чоп этилганидан сўнг бир неча нашрларда, хусусан, ижтимоий тармоқларда ушбу қарор лойиҳасига қарши танқидий мақолалар чоп этилди.

en5hj3ft7d5x2uugbpinqmsml6wvit6h-680x434Фото: Google Images

Ўзбекистон Республикаси Халқ таълими вазирлиги ушбу ҳужжат бўйича ўз изоҳини тақдим этди.

«Ўзбекистон Республикаси Халқ таълими вазирлиги босма нашрларга қарши эмас, аммо халқ таълими тизимида мажбурий обунага йўл қўйилмаслигини таъкидлайди. Барча босма нашрлар халқ таълими тизими ходимлари орасида тарғибот ишларини олиб борган ҳолда ихтиёрий обунани ташкил этишлари мумкин. Ўзбекистон Республикаси Халқ таълими вазирлиги педагоглар нашрларни мутолаа қилган ҳолда ўз малакалари ва билимларини ошириб боришлари тарафдори.

Ҳозирги кунда Ўзбекистон Республикаси Халқ таълими вазирлиги тизимида ‘Бошланғич таълим’ журнали таҳририяти, ‘Тил ва адабиёт таълими’, ‘Преподавание язика и литератури’, ‘Language and literature teaching’ журналлари таҳририяти, ‘Халқ таълими’ журнали таҳририяти, ‘Маърифат’ ва ‘Учитель Узбекистана’ газеталари таҳририяти, ‘Тонг юлдузи’ газетаси таҳририяти, ‘Класс’ газетаси таҳририяти, ‘Ғунча’ журнали таҳририяти д ва ‘Гулхан’ журнали таҳририяти фаолият юритмоқда. Уларнинг барчаси давлат корхонаси бўлиб, ягона давлат унитар корхонасига бирлаштирилиши юридик жиҳатдан ҳеч қандай ўзгаришга олиб келмайди.

Ўзбекистон Республикаси Халқ таълими вазирлиги юқорида номи келтирилган барча нашрларда асосий таъсисчидир. Шу пайтгача, вазирлик мамлакатимиз қонунлари доирасида фаолият юритиб, таҳририят сиёсатига аралашмаган ва цензурага йўл қўймаган. Бундан кейин ҳам Ўзбекистон Республикаси Халқ таълими вазирлиги мазкур нашрлар билан мамлакатимиз қонунлари доирасида иш олиб боради ва цензурага йўл қўймайди.

Ўзбекистон Республикаси Халқ таълими вазирлиги юқорида келтирилган ташкилотларнинг асосий таъсисчиси эканлигини ҳисобга олсак, Ўзбекистон Республикаси қонунлари доирасида уларнинг молиявий-иқтисодий фаолиятларини текшириб туришга ҳақлидир.

Ўзбекистон Республикаси Халқ таълими вазирлигининг янги жамоаси тайинланганидан бери, вазирлик ўз муассислигидаги таҳририят ходимларининг ойликларини ошириш ёки уларга мукофот бериш масалаларига аралашмаган. Таҳририятлар ўз имкониятидан келиб чиққан ҳолда, бу масалаларни мустақил белгилайди.

‘Халқ таълими тизимидаги оммавий ахборот воситалари ролини янада ошириш тўғрисида’ Ўзбекистон Республикаси Вазирлар Маҳкамаси қарори лойиҳасини ишлаб чиқишдан асосий мақсад, таҳририятлар фаолиятига самарали менежмент ва маркетинг тизимларини жорий этиш орқали уларнинг обуна ва рекламага жалб этиш бўйича фаолиятини такомиллаштиришдан иборат. Шундагина нашрларнинг фаолияти ягона молиявий-хўжалик бошқаруви, таъминоти ва бухгалтерия тизимига ўтиши ҳисобига бошқарув ва ноишлаб чиқариш харажатларини қисқартиришга эришилади. Молиявий ресурсларни бирлаштириш эвазига ахборот-коммуникация технологияларини жорий этиш, ходимларни моддий рағбатлантириш, моддий-техника базасини мустаҳкамлаш ҳамда бошқа ривожланиш лойиҳаларини молиялаштирилади», — дейилади вазирлик ахборотида.

 

Место для рекламы.

Ҳаққимизда Taxmin miss

Check Also

9ezguka3if_vtxzwwarvb41gddv6qkok

Дарсда мудраган болалар – нега мактабларда янги техник имкониятлардан фойдаланмаяпмиз?

Қўнғироқ чалинди. Эшикдан кириб келган ўқитувчи билан салом-аликдан сўнг болалар ўз ўриндиқларини эгаллашди. Биология дарси …