Вячеслав Пак Ўзбекистон молия вазири ўринбосари этиб тайинланди

Ўзбекистон Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти бошлиғи биринчи ўринбосари Вячеслав Пак молия вазири ўринбосари этиб тайинланди. Бу ҳақда «Kun.uz» хабар бермоқда.

Хабар беришларича, Ўзбекистон Президентининг 23 февралдаги қарори билан Ёрқин Турсунов молия вазирининг ўринбосари лавозимидан озод этилган. Унинг ўрнига Вячеслав Пак тайинланган.

Ёрқин Турсунов «бошқа ишга ўтиши муносабати билан» вазир ўринбосари лавозимидан озод этилган, бироқ айнан қаерга ишга ўтганига аниқлик киритилмаган.

Адлия маслаҳатчиси Вячеслав Пак эса сўнгги йилларда Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментида ишлаб келаётган эди. У 2016 йили Мустақиллик байрами арафасида «Содиқ хизматлари учун» медали билан мукофотланган.