Украиналик таниқли чарм қўлқоп устаси Владимир Кличко ҳаваскор боксчиларнинг халқаро ассоциацияси (AIBA) президентига айланиши мумкин.
Ўзбекистонга ЖЧ мезбонлигини беришга қарши бўлмаган AIBA президенти истеъфога чиқарилди
Кичик Кличко Чинг Куо Вудан бўшаб қолган ўринни эгаллайди. Ўтган ҳафта Дубайда AIBAнинг навбатдаги йиғилиши ўтказилган бўлиб, ташкилот президентлиги учун Владимирнинг номзоди илгари сурилаётгани Ижроқўм аъзоларига маълум қилинган.
Бунгача собиқ президент Чинг Куо Ву ҳам кичик Кличкони раҳбарлик лавозимларидан бирига тайинлаб, ўзига кўмакчи қилиб олишни режалаштираётганди. Аммо Ижроқўм аъзолари бир овоздан унинг ўзига чиқиш эшикларини кўрсатиб қўйди. Чинг Куо Ву бокс ассоциациясини ўзининг шахсий бизнесига айлантириб олгани айтилди.
2018 йилнинг январь ойида президентлик учун сайлов ўтказилади. Дубайда ўтадиган маросимда Кличконинг рақиблари ким бўлиши борасида аниқ маълумотлар йўқ.