Главные новости
Главная / Маданият / Туркиялик режиссёр Алишер Навоийга бағишланган ҳужжатли фильм суратга олди
Место рекламы

Туркиялик режиссёр Алишер Навоийга бағишланган ҳужжатли фильм суратга олди

Туркиялик режиссёр Ҳусайн Ўзбен томонидан «Дунё адабиётининг чинори» номли ҳужжатли фильм суратга олинган, деб хабар беради ЎзА.

542328-640x346
Фото: ЎзА

8 февраль куни Алишер Навоий таваллудининг 578 йиллигига бағишлаб Алишер Навоий номидаги кино саройда мазкур ҳужжатли фильмнинг тақдимот маросими ўтказилди.

– Фильмда туркий адабиётнинг улуғ чинори, дунё шоири Алишер Навоийнинг ҳаёти ва ижоди турк ҳамда ўзбек навоийшунос олимлари томонидан кенг тараннум этилади. Одатда ҳар бир шоирнинг битта девони бўлади. Алишер Навоийнинг тўрт девони бор: Болалик, Ёшлик, Балоғат ва Кексалик девони. Навоий тазкираларида юзлаб шоир, адиблар тилга олинган. Булардан 170 таси туркийдир. Илк бора 170 туркийзабон адибларининг ҳаётини тушунтирган Навоий бўлди. Бугунгача кўплаб фильмлар олдим. Бироқ бунисининг ўрни бўлак. Шунинг учун фильмни аввал сизларнинг эътиборингизга ҳавола этишга аҳд қилдим. Бир неча кундан кейин Туркияда премьераси бўлиб ўтади, – дейди режиссёр Ҳусайн Ўзбен.

Фильм сценарий муаллифи – профессор Меҳмет Ўзтурк, масъул муҳаррир – Ҳусайн Ўзбен, маслаҳатчилар – профессор Мустафо Кочалин, профессор Нодирхон Ҳасанов. Таржимон – Абдумурод Тилавов, муҳаррир – Олимжон Давлатов.

Место для рекламы.

Ҳаққимизда Taxmin miss

Check Also

%d1%81%d0%b0%d0%bc%d0%b0%d1%80%d0%ba%d0%b0%d0%bd%d0%b4-680x416

Самарқанд вилоят тиббий хизматлар қимматлигига аниқлик киритилди

Ижтимоий тармоқларда Самарқанд вилоят кардиология диспансерида тиббий кўрикдан ўтиш учун узундан узоқ навбат юзага келаётгани …