Главные новости
Главная / Сиёсат / Шавкат Мирзиёев: «Агар вазият шундай давом этса, кўп вилоятлар ва шаҳарларни ёпишга мажбур бўламиз»
Место рекламы

Шавкат Мирзиёев: «Агар вазият шундай давом этса, кўп вилоятлар ва шаҳарларни ёпишга мажбур бўламиз»

Президент Шавкат Мирзиёев 16 июнь кунги видеоселектор йиғилишида мамлакатда коронавирусга чалинганлар сони сўнгги 2 ҳафтада кескин ошгани ҳақида тўхталиб ўтди.

Давлат раҳбарининг сўзларига кўра, охирги 2 ҳафтада:

  • Тошкент шаҳрида аниқланган 551та ҳолатнинг 482таси;
  • Тошкент вилоятидаги 734та ҳолатнинг 79таси;
  • Навоий вилоятидаги 108та ҳолатнинг 83таси;
  • Қашқадарё вилоятидаги 51та ҳолатнинг 48таси аҳоли орасида аниқланган.

Шунингдек, сўнгги икки ҳафтада касалланганлар орасида юқиш манбайи номаълум бўлиб қолаётганлар сони:

  • Тошкент шаҳрида 57та;
  • Тошкент вилоятида 22та;
  • Навоий вилоятида 25та;
  • Қашқадарё вилоятида 3тани ташкил этади.

Таъкидланишича, ҳозирги вақтда республикадаги туман ва шаҳарларнинг 34таси «қизил», 24таси «сариқ» ҳудуд этиб белгиланган.

«Буларнинг барчаси коронавирус билан боғлиқ вазият тобора мураккаб тус олиб бораётганини кўрсатиб турибди. Бугун пандемияга қарши курашда ҳушёрлик ва масъулиятни бир карра эмас, ўн карра оширадиган янги босқич бошланмоқда, десак тўғри бўлади.

Мен биринчи кундан карантин шароитида яшаш ва ишлашга ўрганишимиз керак деб айтганман. Лекин агар шундай давом этаверса, кўп вилоятлар, кўп шаҳарларни ёпишга мажбур бўламиз», – деди Шавкат Мирзиёев.

Президент Республика махсус комиссиясига пандемия шароитида карантин қоидаларига риоя этилишини таъминламаган ҳудудлар, корхона ва ташкилотлар раҳбарларига жавобгарликни ошириш чораларини кўриш бўйича топшириқ берди.

«Керак бўлса, раҳбарларни ҳам ишдан олишга мажбур бўламиз. Нимага десангиз, бу одамларнинг хавфсизлиги билан бевосита боғлиқ», – деди у.

Давлат раҳбари фаолиятини қайта бошлаётган корхоналар, бозорлар ва савдо мажмуаларида дезинфекция ишларини, санитария назоратини кучайтириш кераклигини таъкидлади.

«Аҳолига хизмат кўрсатадиган, бевосита мулоқотда бўладиган барча муассасалар ходимларини коронавирус бўйича мунтазам тестдан ўтказиш амалиётини кенгайтиришимиз керак», – деди Мирзиёев.

Эслатиб ўтамиз, аввалига Қашқадарё вилоятида 6та касалланиш ҳолати қайд этилиб, 1 май куни улардан сўнггиси тузалиб чиққан ва вилоят коронавирусдан холи ҳудудга айланганди. Аммо 5 июндан буён вилоятда 51 кишида Covid-19 аниқланди.

Место для рекламы.

Ҳаққимизда Akbar

Check Also

a3-_dws0baiyhojhsghtnqwxdw-t0lcy

Хориждаги ватандошларни олиб келиш бўйича навбатдаги чартер рейслар рўйхати эълон қилинди

Фото: KUN.UZ 17 августдан 30 августга қадар Ўзбекистон фуқароларини хориждан олиб келиш бўйича чартер рейслар …

Даре уз Янгиликлар – сӯнги Ӯзбекистон хабарлари