Главная / Жаҳон / Макрон Путинга қўнғироқ қилди ва Навальнийнинг заҳарланиши масаласида изоҳ сўради
Место рекламы

Макрон Путинга қўнғироқ қилди ва Навальнийнинг заҳарланиши масаласида изоҳ сўради

Франция президенти Эммануэль Макрон Россия президенти Владимир Путин билан телефон орқали мулоқот қилди ва унга француз мутахассислари немис экспертларининг Алексей Навальний «Новичок» гуруҳига мансуб бўлган асаб тизимини фалажловчи моддадан заҳарлангани ҳақидаги хулосасини тасдиқлаганини айтди. Бу ҳақда Елисей саройи баёнотига асосланиб Le Monde нашри хабар берди.

Фото: EPA/Vostock-photo

Суҳбат вақтида Макрон Навальнийга уюштирилган суиқасд бўйича ойдинлик киритилиши кераклиги ҳақида гапирган. У Россия томонидан ушбу иш юзасидан шаффоф ва ишончли текширув ўтказилиб, изоҳ берилишини талаб қилган.

Кремлдагилар ушбу телефон мулоқоти Франция президенти ташаббуси билан уюштирилгани ҳақида хабар берган. «Суҳбатда „А.Навальний иши“ атрофидаги мураккаб вазият муҳокама қилинди. Владимир Путин бу масалада Россия томонини асоссиз айблаш ўринсиз эканини қайд этди», дейилган РФ президенти маъмурияти маълумотида.

Путин Макронга ҳодиса қандай рўй берганини аниқлаш учун Германия томони Россияга Навальнийдан олинган биоматериаллардан намуна, шунингдек, таҳлил натижалари бўйича расмий хулосани бериши кераклигини айтиб ўтган. Бундан ташқари, Путин германиялик шифокорлар россиялик ҳамкасблари билан ҳамкорликда ишлаши кераклигини таъкидлаган.

14 сентябрь куни Германия ҳукумати Франция ва Швециядаги лабораториялар ҳам Навальнийнинг организмида «Новичок» гуруҳига мансуб модда излари бўлганини тасдиқлашганди.

Место для рекламы.

Ҳаққимизда Akbar

Check Also

FILE - In this  Sunday, Jan. 19, 2020, file photo, Elon Musk founder, CEO, and chief engineer/designer of SpaceX speaks during a news conference after a Falcon 9 SpaceX rocket test flight to demonstrate the capsule's emergency escape system at the Kennedy Space Center in Cape Canaveral, Fla. Tesla confirmed Thursday, May 28, that CEO Musk will get the first tranche worth nearly $770 million of a stock-based compensation package triggered by the company meeting several financial metrics. (AP Photo/John Raoux, File)

Илон Маск уч йилдан кейин 25 минг долларлик Tesla чиқарилиши тўғрисида ваъда берди

Тахминан уч йил ичида Tesla 25 минг долларлик нархда бўлган ҳайдовчисиз электрмобилларни ишлаб чиқаради. Бу …

Даре уз Янгиликлар – сӯнги Ӯзбекистон хабарлари