Главные новости
Главная / Спорт / Бокс бўйича Ўзбекистон ва Куба терма жамоалари қўшма йиғин ўтказиши мумкин
Место рекламы

Бокс бўйича Ўзбекистон ва Куба терма жамоалари қўшма йиғин ўтказиши мумкин

Бокс бўйича Ўзбекистон ва Куба терма жамоалари қўшма ўқув-машғулот йиғинини ташкил этиши мумкин. Ўзбекистон бокс федерацияси Миллий олимпия қўмитаси президенти Рустам Шоабдураҳмоновга шундай таклиф билан чиққан.

8fszr7nyrwnwtuyafz4jg6f7xfpy0i8i

«Менга бокс федерациясидан Куба терма жамоаси билан қўшма ўқув-машғулот йиғинини ўтказиш бўйича таклиф билдиришди. Буни тегишли ташкилотлар билан маслаҳатлашиб ҳал қиламиз, керакли шароитларни, албатта, яратиб берамиз.

Қачонгача спортчиларимиз бир-бирларига қарши спарринг рақиб бўлишади? Марҳамат, ҳар бир федерация мана шундай қизиқарли ва яхши таклифлар билан чиқишсин. Миллий олимпия қўмитаси сизлар учун фаолият олиб боради ахир», – деган Шоабдураҳмоновнинг сўзларини келтирди қўмита матбуот хизмати.

МОҚ раҳбари бу ҳақда бугун, 30 май куни Ўзбекистон таэквондо ассоциациясида бўлиб ўтган йиғилишда гапириб ўтган.

Токио Олимпиадасига тайёргарлик юзасидан ўтказилган мажлисда Жисмоний тарбия ва спорт вазирлиги вакиллари, МОҚ мутасаддилари, барча федерация ва ассоциациялар масъул раҳбарлари қатнашган.

Маълум қилинишича, Рустам Шоабдураҳмонов бунга қадар 10 кун давомида барча спорт турлари бўйича федерация ва ассоциациялар фаолияти билан яқиндан танишиб чиққан. Спорт базалари ва у ердаги шароитларни бевосита бориб кўрган. Бугунги йиғилишда айнан мазкур текширув ҳулосаларига бағишланган.

«Мана, барча федерацияларнинг ўқув-машғулот базаларига ташриф буюриб, спортчилар учун яратилган шароитлар билан яқиндан танишиб чиқдик. Аҳвол ижобий эмас. Тўғри, бир қатор федерацияларимиз борки, уларда терма жамоамиз аъзолари учун жуда ҳам яхши шароитлар яратиб берилган. Лекин кўп жойларда ҳатто спортчиларнинг яшаши учун элементар шароит йўқ.

Ҳукуматимизга раҳмат, биздан керакли моддий ёрдамини аямаяпти. Биз эса ўз навбатида фурсатни бой бермай, зудлик билан барча шароитларни яхшилаб олишимиз зарур» – деган МОҚ президенти.

Йиғилиш давомида узлуксиз ўқув-машғулот йиғинларини кўпроқ ташкил қилиш, уларнинг сифатига эътибор қаратиш, моддий-техник базани янада мустаҳкамлаш борасидаги масалалар бўйича мутассадиларга тегишли кўрсатмалар берилган. Ўз навбатида федерация масъуллари ҳам жаҳон стандартларидан келиб чиққан ҳолда ўз таклиф ва мулоҳазаларини билдириб ўтишган.

Эслатиб ўтамиз, Рустам Шоабдураҳмонов 15 май куни Миллий олимпия қўмитаси раҳбарлигига сайланган эди.

Место для рекламы.

Ҳаққимизда Nush

Check Also

u_2msq1nj4n4ikdtoibpbjou9hxanwbi

Иорданияда аёл футболчилар ўйин вақтида ҳижоби ечилиб кетган рақиб футболчини тўсиб олишди (видео)

Иорданиянинг аёллар ўртасидаги футбол лигасининг “Шабаб ал-Ордон” ва “Амман” жамоалари ўртасида 2018 йилда ўтган учрашув …

Даре уз Янгиликлар – сӯнги Ӯзбекистон хабарлари